17 красавіка 2008 года ў рамках рэалізацыі мерапрыемстваў Дзяржаўнай праграмы па ахове інтэлектуальнай уласнасці на 2008-2010 гг. Нацыянальная бібліятэка Беларусі сумесна з Нацыянальным цэнтрам інтэлектуальнай уласнасці правяла семінар "Деятельность библиотек как субъектов авторского и смежных прав".
Семінар з'яўляецца адным з этапаў работы па падрыхтоўцы праекта новай рэдакцыі Закона Рэспублікі Беларусь "Аб аўтарскім праве і сумежных правах".
Падчас работы семінара асаблівая ўвага была нададзена праблемам захавання аўтарскага і сумежных правоў ва ўмовах інфарматызацыі бібліятэк і пытанням прававога рэгулявання дзейнасці бібліятэк па пераўтварэнні дакументаў у лічбавую форму і стварэнні электронных бібліятэк.
У рабоце семінара прынялі ўдзел прадстаўнікі Камісіі па адукацыі, культуры, навуцы і навукова-тэхнічным прагрэсе Нацыянальнага сходу Рэспублікі Беларусь, Нацыянальнага цэнтра заканадаўчых і прававых даследаванняў Рэспублікі Беларусь, Міністэрства культуры Рэспублікі Беларусь, кіраўнікі і спецыялісты рэспубліканскіх, галіновых, абласных бібліятэк.
 |
 |
 |
 |
