Да Рэгіянальнага зводнага электроннага каталога бібліятэк Мінскай вобласці далучыліся два новыя партнёры – Нясвіжская цэнтральная раённая бібліятэка імя Паўла Пранузы і Дзяржынская раённая цэнтралізаваная бібліятэчная сістэма. Рэсурс папоўніўся на 87 тысяч бібліяграфічных запісаў на дакументы, якія захоўваюцца ў гэтых бібліятэчных установах.
На сённяшні момант РЗЭК бібліятэк Мінскай вобласці налічвае звыш 654 тысяч бібліяграфічных запісаў на дакументы з фондаў васьмі бібліятэчных устаноў.
Зводны каталог дазваляе чытачам аператыўна атрымліваць звесткі аб наяўнасці і месцазнаходжанні дакументаў, даючы новыя магчымасці пошуку інфармацыі, у тым ліку і краязнаўчага характару, акумулюе інфармацыю, размешчаную ў розных інфармацыйных сховішчах, найбуйнейшых пошукавых сістэмах свабоднага доступу, прадугледжваючы аддалены доступ да рэсурсаў.
Матэрыял пададзены аддзелам бібліятэчна-інфармацыйных тэхналогій.
