27 ліпеня на плошчы каля Нацыянальнай бібліятэкі Беларусі адбыўся рытуал уручэння лейтэнанцкіх пагонаў выпускнікам пагранічнага факультэта Ваеннай акадэміі Рэспублікі Беларусь і цырымонія прыняцця кодэкса гонару афіцэра органаў пагранічнай службы Рэспублікі Беларусь.
Больш за 100 маладых афіцэраў пагранічнага і іншых факультэтаў Ваеннай акадэміі Рэспублікі Беларусь атрымалі пагоны і юбілейныя медалі “90 год на варце граніцы” з рук старшыні Дзяржпагранкамітэта генерал-маёра Ігара Анатольевіча Рачкоўскага.
Выпускнікі, якія скончылі акадэмію выдатна, а таксама тыя, хто дасягнуў высокіх вынікаў у ваенна-навуковай працы, грамадскім жыцці факультэта і спорце, былі ўзнагароджаны каштоўнымі падарункамі і нагруднымі знакамі “Выдатнік пагранічнай службы Рэспублікі Беларусь”.
З нагоды прысваення выпускнікам першага афіцэрскага звання “лейтэнант” адбыўся малебен, які адслужыў мітрапаліт Мінскі і Слуцкі, Патрыяршы Экзарх усёй Беларусі Філарэт.
У мерапрыемстве прынялі ўдзел прадстаўнікі камандавання пагранічнага факультэта, ветэраны органаў пагранічнай службы, міністр культуры Рэспублікі Беларусь П.П. Латушка, дырэктар Нацыянальнай бібліятэкі Беларусі Р.С. Матульскі і інш.