ГалоўнаяНавіныНавіны Нацыянальнай бібліятэкі Беларусі
“Хацелася б, каб кніга засталася з намі назаўжды”
Культурны брэнд

Рыхтуецца да выхаду 11-ты выпуск навуковага зборніка “Бібліятэчны веснік”

Рыхтуецца да выхаду 11-ты выпуск навуковага зборніка “Бібліятэчны веснік”
Іншыя навіны

Нацыянальная бібліятэка Беларусі рыхтуе да выхаду ў свет 11-ты выпуск штогадовага навуковага зборніка “Бібліятэчны веснік”. Запрашаем да супрацоўніцтва спецыялістаў у галіне бібліятэчнай справы і інфармацыйных тэхналогій, выкладчыкаў, аспірантаў і магістрантаў, кіраўнікоў органаў кіравання культуры.

Да публікацыі ў зборніку прымаюцца артыкулы, прысвечаныя пытанням фарміравання бібліятэчна-інфармацыйнай прасторы, гісторыі і перспектывам развіцця бібліятэк, якія маюць навуковы характар і адрозніваюцца навізной прадстаўленых у іх навуковых вынікаў. У выданні будуць разгледжаны праблемы заканадаўчай і нарматыўна-рэгламентуючай базы бібліятэчнай практыкі, фарміравання інфармацыйных рэсурсаў і асаблівасцей захавання фондаў, арганізацыі інфармацыйна-бібліятэчнага і сацыякультурнага абслугоўвання карыстальнікаў, ужывання сучасных тэхналогій у стварэнні інфармацыйнай прадукцыі, распрацоўкі комплексу інфармацыйна-тэхналагічных сістэм, арганізацыі, правядзення і каардынацыі навуковых даследаванняў, прафесіяналізацыі бібліятэчных кадраў Беларусі і інш.

Заяўку на ўдзел у зборніку і рукапіс артыкула неабходна да 1 мая 2019 г. выслаць на адрас рэдакцыі (e-mail: kiryukhina@nlb.by; m_pshibytko@nlb.by).

Заяўка павінна ўключаць звесткі пра аўтара: прозвішча, імя, імя па бацьку, месца працы, пасада, вучоная ступень і званне, кантактны тэлефон, e-mail, назва артыкула.

Аб’ём артыкула – да 6-ці поўных старонак фармату А4, надрукаваных праз 1 інтэрвал, шрыфт Times New Roman, кегль 14 пт. Рабочыя мовы – беларуская, руская. Спіс выкарыстаных крыніц афармляецца ў адпаведнасці з ДАСТ 7.1-2003 “Бібліяграфічны запіс. Бібліяграфічнае апісанне”, размяшчаецца ў канцы тэксту, спасылкі нумаруюцца паводле парадку цытавання ў тэксце, парадкавыя нумары спасылак паказваюцца ўнутры квадратных дужак (напрыклад: [1, с. 23], [2]). Да артыкула прыкладаецца анатацыя на англійскай і рускай мовах аб’ёмам 100–150 слоў. Ілюстрацыі падаюцца ў рэдакцыю ў электронным выглядзе ў файлах фарматаў tiff, jpeg, gif, bmp, png з разрашэннем 300 dpi.

Рэдакцыйны савет Нацыянальнай бібліятэкі Беларусі пакідае за сабой права адбору матэрыялаў для апублікавання. Пры неабходнасці артыкул можа быць вернуты аўтарам на дапрацоўку, датай паступлення артыкула ў рэдкалегію лічыцца дзень атрымання яго канчатковага варыянта.

Тэлефоны для даведак:
(8 017) 266 37 75 (Кірухіна Людміла Генадзьеўна, галоўны рэдактар рэдакцыі перыядычных выданняў і выданняў з працягам);
(8 017) 266 37 70 (Пшыбытка Марына Георгіеўна, загадчыца навукова-даследчага аддзела бібліятэказнаўства).

Палажэнне аб навукова-практычным зборніку “Бібліятэчны веснік”

Матэрыял прадастаўлены навукова-даследчым аддзелам бібліятэказнаўства.

Каментарыі карыстальнікаў:

Каментаванне даступна толькі зарэгістраваным карыстальнікам

Навіны

Як стаць чытачом “алмаза ведаў”? Глядзіце ў праграме “Пін_код”

18 Кра 2019

50 гадоў без сну і адпачынку – менавіта столькі спатрэбіцца чытачу, каб азнаёміцца з усімі дакументамі з фонду Нацыянальнай бібліятэкі Беларусі. Міні-гайд пра тое, як стаць чытачом галоўнага кнігасховішча краіны выйшаў у праграме “Пін_код” на “Беларусь 2”.

Навіны Нацыянальнай бібліятэкі Беларусі

Вабяць таямніцы старажытных кніг ВКЛ

19 Кра 2019

Беларускія кніжныя скарбы цікавяць даследчыкаў з усёй Еўропы. Польскія навукоўцы вельмі цэняць старадрукі, выдадзеныя ў ВКЛ, якія знаходзіліся ў бібліятэках манастыроў і ў прыватных маёнтках.

Навіны Нацыянальнай бібліятэкі Беларусі

111