ГалоўнаяНавіныНавіны Нацыянальнай бібліятэкі Беларусі
Семінар у Брэсце “Бібліятэкі і кніжная культура Беларусі: з мінулага ў будучыню”
Пераможца прэміі “Дэбют” распавяла пра каханне, любімыя кнігі і пра тое, як патраціць $ 2 тысячы прызавых

Рыхтуецца да выдання 22-гі выпуск зборніка “Здабыткі: дакументальныя помнікі на Беларусі”

Рыхтуецца да выдання 22-гі выпуск зборніка “Здабыткі: дакументальныя помнікі на Беларусі”
Іншыя навіны

Нацыянальная бібліятэка Беларусі штогод выпускае зборнік навуковых артыкулаў з працягам “Здабыткі: дакументальныя помнікі на Беларусі”. У 2019 г. плануецца выданне 22-га выпуску зборніка.

2019 год адметны дзвюма юбілейнымі датамі, якія маюць вялікае значэнне для беларускай кнігазнаўчай супольнасці. Гэта 40-годдзе навукова-даследчага аддзела кнігазнаўства Нацыянальнай бібліятэкі Беларусі (да 2005 г. – аддзел рукапісаў, старадрукаў і рэдкай кнігі) і 70-годдзе з дня нараджэння Таццяны Іванаўны Рошчынай, заслужанага дзеяча культуры Рэспублікі Беларусь, выдатнай даследчыцы беларускай кніжнасці. Т. Рошчына на працягу 20 гадоў узначальвала працу з рукапіснай, старадрукаванай і рэдкай кнігай у галоўнай бібліятэцы краіны і стала стваральнікам, першым складальнікам і навуковым рэдактарам выдання “Здабыткі: дакументальныя помнікі на Беларусі”. Рэдкалегія зборніка далучаецца да святкавання гэтых значных юбілейных дат і з задавальненнем прыме да публікацыі ў бягучым выпуску прысвечаныя ім матэрыялы.

Зборнік “Здабыткі: дакументальныя помнікі на Беларусі” – шматпрофільнае рэцэнзаванае навуковае выданне. Ён уключаны ў Пералік навуковых выданняў Рэспублікі Беларусь для апублікавання вынікаў дысертацыйных даследаванняў па педагагічных навуках (бібліятэказнаўстве, бібліяграфазнаўстве, кнігазнаўстве), гістарычных навуках (дакументалістыцы, дакументазнаўстве, архівазнаўстве, гістарыяграфіі, крыніцазнаўстве і метадах гістарычных даследаванняў) і культуралогіі.

Тэматычны ахоп зборніка ўключае праблемы вывучэння, захавання і выкарыстання дакументальнай спадчыны Беларусі, гісторыю рукапіснай і друкаванай кнігі, архіўных дакументаў, бібліятэчнай справы.

Да публікацыі ў зборніку прымаюцца артыкулы, прысвечаныя дакументальным помнікам і гісторыі кніжнай культуры Беларусі, якія маюць навуковы характар і вызначаюцца навізной прадстаўленых вынікаў. Рэдакцыя пакідае за сабой права адбору матэрыялаў для апублікавання. Парадак публікацыі ў зборніку прадугледжвае абавязковае рэцэнзаванне спецыялістамі з вучонай ступенню кандыдата ці доктара навук, якія прызначаюцца рэдкалегіяй.

Заяўкі на ўдзел і рукапісы артыкулаў прымаюцца рэдакцыяй да 31 мая 2019 г. у электронным выглядзе на адрас электроннай пошты sapega@nlb.by і susha.ksenia@yandex.by. Патрабаванні да артыкулаў змешчаны на інтэрнэт-партале Нацыянальнай бібліятэкі Беларусі.

Адрас рэдакцыі:
Нацыянальная бібліятэка Беларусі,
220114, г. Мінск, прасп. Незалежнасці, 116.

Тэлефоны:
(8 017) 293 27 82 (Сапега Таццяна Андрэеўна, загадчык сектара навукова-праектнай работы навукова-даследчага аддзела кнігазнаўства);
(8 017) 293 27 83 (Суша Ксенія Віктараўна, галоўны бібліёграф навукова-даследчага аддзела кнігазнаўства).

Е-mail:
sapega@nlb.by
susha.ksenia@yandex.by

Навіны

Электронныя інфармацыйныя рэсурсы ў дапамогу працы публічных бібліятэк: тэстуем і падпісваемся

3 Жні 2021

3 жніўня ў Нацыянальнай бібліятэцы прайшоў анлайн-трэнінг “Інфармацыйна-бібліятэчнае абслугоўванне карыстальнікаў публічных бібліятэк электроннымі інфармацыйнымі рэсурсамі ВЧЗ па агульнаадукацыйных дысцыплінах: агляд функцыянальных магчымасцей”.

Бібліятэка анлайн

Віншуем з 85-гадовым юбілеем ветэрана Нацыянальнай бібліятэкі Беларусі Ніну Міхайлаўну Гардзеенка

1 Жні 2021

Ніне Міхайлаўне ад усяго калектыву Нацыянальнай бібліятэкі Беларусі – самыя шчырыя віншаванні і пажаданні даўгалецця, невычэрпнай энергіі і сіл, шчасця і дабрабыту, любові і ўвагі родных і блізкіх людзей.

Партрэты: гісторыя бібліятэкі ў асобах

30 Ліп 2021

Мы так часта ўжываем слова “культура”, што іншым разам не задумваемся над глыбінным сэнсам паняцця. І дарэмна. Напэўна, у гэтым прычына не надта вялікай чысціні нашых ліфтаў і душ. А таксама – не вельмі добрага ведання роднай гісторыі ды імя продка ў пятым калене. А сапраўды, што за паняцце такое – культура?

Навіны бібліятэк

Выставачна-асветніцкае мерапрыемства, прысвечанае 200-годдзю з дня нараджэння Ф.М. Дастаеўскага

27 Ліп 2021

27 ліпеня ў Нацыянальнай бібліятэцы адбылося пленарнае пасяджэнне выставачна-асветніцкага мерапрыемства, прысвечанага 200-годдзю з дня нараджэння Ф.М. Дастаеўскага, і адкрыццё фотавыставы “Пецярбург Дастаеўскага”.

Навіны Нацыянальнай бібліятэкі Беларусі

Бібліятэкарам