11 ліпеня а 12-й гадзіне ў галерэі “Панарама” (22- гі паверх, цэнтральны ўваход) ладзіцца адкрыццё выстаўкі літоўскага фотамастака Альгімантаса Аляксандравічуса “Розныя эпохі – адзіныя карані”.
Фотамастак Альгімантас Аляксандравічус, паглыбляючыся ў мінулае Вялікага Княства Літоўскага, і ў Літве, і ў Беларусі, і на Украіне знаходзячы водбліскі велічы дзяржавы ад Балтыйскага да Чорнага мора, не мог не заўважыць і не зафіксаваць у фатаграфіях сляды, пакінутыя пры жыцці паэтамі Адамам Міцкевічам (1798–1855) і Чэславам Мілашам (1911–2004), якія лічылі сябе апошнімі грамадзянамі гэтай дзяржавы і працягвалі шляхецкія і грамадзянскія традыцыі ВКЛ.
Альгімантас Аляксандравічус з уласцівай яму вынаходлівасцю злучае пакінутыя паэтамі на іх жыццёвым шляху знакі з рэаліямі сённяшніх дзён.
З 12 ліпеня ўваход на выстаўку платны, складае кошт наведвання агляднай пляцоўкі.
Тэлефоны для даведак: (8017) 293 27 67, 293 28 33.
Е-mail: pr@nlb.by