10 лютага ў рамках бібліятэчнага дня на ХУІІІ Мінскай міжнароднай выстаўцы-кірмашы ў Нацыянальнай бібліятэцы Беларусі адбудзецца пасяджэнне круглага стала “Роля ўстаноў адукацыі, выдавецтваў і бібліятэк у развіцці чытання”.
Пасяджэнне адбудзецца ў рамках бібліятэчнага дня на XVIII Мінскай міжнароднай кніжнай выстаўцы-кірмашы.
Арганізатарамі мерапрыемства з’яўляюцца Міністэрства культуры Рэспублікі Беларусь, Міністэрства інфармацыі Рэспублікі Беларусь і Нацыянальная бібліятэка Беларусі.
У рабоце круглага стала возьмуць удзел прадстаўнікі Міністэрства інфармацыі, Міністэрства культуры, Міністэрства адукацыі, Міністэрства сувязі і інфарматызацыі, Міністэрства гандлю Рэспублікі Беларусь, РУП “Белпошта”, вучоныя Нацыянальнай акадэміі навук Беларусі, кіраўнікі і спецыялісты выдавецтваў, кнігагандлёвых арганізацый, пісьменнікі, кіраўнікі і спецыялісты бібліятэк.
Падчас работы круглага стала будзе абагульнены вопыт асноўных арганізацый, задзейнічаных у падтрымцы і развіцці чытання: устаноў адукацыі, бібліятэк, выдавецтваў, прадпрыемстваў кніжнага гандлю, а таксама будуць разгледжаны пытанні развіцця іх прафесійных камунікацый і сацыяльнага партнёрства.
Плануецца абмеркаванне актуальнай праблематыкі ўзаемадзеяння названых і іншых інстытутаў у сістэме “пісьменнік-чытач-бібліятэка”.
Будуць асветлены наступныя пытанні:
- распаўсюджванне прававой інфармацыі;
- аўтарскія і сумежныя правы;
- вывучэнне чытання, у тым ліку дзяцей і падлеткаў;
- выданне і папулярызацыя беларускай літаратуры;
- механізмы фарміравання спісаў сацыяльна значымых выданняў;
- падпіска і распаўсюджванне перыядычных выданняў;
- выданне, распаўсюджванне і ўлік электронных кніг;
- камплектаванне бібліятэчных фондаў электроннымі і аўдыявыданнямі, а таксама выданнямі для людзей з абмежаванымі фізічнымі магчымасцямі.
Пасяджэнне круглага стала "Роля ўстаноў адукацыі, выдавецтваў і бібліятэк у развіцці чытання" пачнецца а 14-й гадзіне ў канферэнц-зале Нацыянальнай бібліятэкі Беларусі.