27 красавіка прайшоў анлайн-семінар для публічных бібліятэк нашай краіны. Гэта першая прафесійная сустрэча ў анлайн-фармаце ў шэрагу мерапрыемстваў Нацыянальнай бібліятэкі Беларусі (НББ), прысвечаных навуковым і адукацыйным рэсурсам у лічбавым асяроддзі.
Сустрэча адбылася з бібліятэкарамі і чытачамі з Магілёўскай вобласці.
Супрацоўнікі аддзела карпаратыўнага ўзаемадзеяння НББ прадставілі шырокія магчымасці выкарыстання электронных рэсурсаў сусветных выдавецтваў і агрэгатараў для задавальнення інфармацыйных патрэб жыхароў рэгіёнаў у адукацыйных і спецыялізаваных выданнях, мастацкай і навукова-папулярнай літаратуры, прафесійнай перыёдыцы. Асаблівая ўвага надавалася перавагам аддаленага абслугоўвання электроннымі рэсурсамі пры арганізацыі дыстанцыйнай адукацыі.
Гэта асабліва актуальна і запатрабавана ў перыяд пандэміі, калі сталі бачнымі геаграфічныя межы, якія ў апошнія гады паспелі размыцца. Адкрыццём стала тое, што адлегласць не перашкадже абменьвацца вопытам, супрацоўнічаць і дзяліцца інфармацыяй.
Віртуальная чытальная зала НББ адкрыта для супрацоўніцтва з усімі бібліятэкамі і інфармацыйнымі цэнтрамі нашай краіны па пытаннях падпіскі на ліцэнзійныя базы даных і навучання рабоце з імі.
Запрашаем да партнёрства!
Матэрыял пададзены аддзелам карпаратыўнага ўзаемадзеяння.
