5 снежня ў Акадэміі кіравання пры Прэзідэнце Рэспублікі Беларусь адбыўся семінар па выкарыстанні інфармацыйных рэсурсаў віртуальнай чытальнай залы. Мерапрыемства было арганізавана Нацыянальнай бібліятэкай Беларусі і кампаніяй Clarivate Analytics.
Прафесарам, выкладчыкам, слухачам, студэнтам і супрацоўнікам акадэміі былі прэзентаваны электронныя рэсурсы для прагназавання і планавання навуковых даследаванняў у сферы кіравання. Загадчыца аддзела карпаратыўнага ўзаемадзеяння Нацыянальнай бібліятэкі Беларусі Марына Рудакоўская расказала ўдзельнікам пра магчымасці, якія прапануе віртуальная чытальная зала ў інфармацыйным забеспячэнні кіраўнічай дзейнасці.
Падчас семінара Ірына Ціханкова, спецыяліст па навучанні кампаніі Clarivate Analytics, пазнаёміла ўдзельнікаў з інфармацыйнымі рэсурсамі і пошукавымі магчымасцямі платформы Web of Science. Акрамя таго, яна расказала пра асноўныя навукаметрычныя паказчыкі і асаблівасці іх карэктнага прымянення, а таксама дала практычныя рэкамендацыі па стварэнні і напаўненні профіляў ResearcherID і ORCID, па метадах падбору і ацэнкі навуковых часопісаў для размяшчэння публікацый у міжнародных навуковых выданнях.
Матэрыял прадастаўлены аддзелам карпаратыўнага ўзаемадзеяння.