13 сакавіка ў бібліятэцы адбыўся семінар “Навуковыя электронныя рэсурсы выдавецтва Wiley: магчымасці для інфармацыйнага забеспячэння і папулярызацыі вынікаў навуковых даследаванняў”.
Удзельнікам былі прадстаўлены інфармацыйныя рэсурсы Wiley – аднаго з найбуйнейшых і аўтарытэтных міжнародных выдавецтваў, якое выпускае акадэмічныя выданні і навуковую перыёдыку па гуманітарных, грамадскіх, дакладных навуках і медыцыне.
У семінары прынялі ўдзел супрацоўнікі Нацыянальнай акадэміі навук Беларусі, іншых навукова-даследчых інстытутаў і цэнтраў, прафесары і выкладчыкі ўстаноў вышэйшай адукацыі, аспіранты, магістранты, спецыялісты бібліятэк і выдавецтваў. Для беларускіх вучоных быў праведзены трэнінг па размяшчэнні навуковых артыкулаў у рэйтынгавых часопісах выдавецтва.
Нацыянальнай бібліятэкай Беларусі на 2019 г. набыты доступ да калекцыі часопісаў выдавецтва Wiley па грамадскіх і гуманітарных навуках.
Запрашаем да супрацоўніцтва па падключэнні да электронных рэсурсаў выдавецтва Wiley ў рамках віртуальнай чытальнай залы.
Матэрыял прадастаўлены аддзелам карпаратыўнага ўзаемадзеяння.