11 сакавіка ў Нацыянальнай бібліятэцы Беларусі прайшоў семінар “Электронныя рэсурсы міжнароднага выдавецтва Wiley для інфармацыйнага забеспячэння навуковых даследаванняў”.
Мерапрыемства адкрыла намеснік генеральнага дырэктара Нацыянальнай бібліятэкі Беларусі – дырэктар па інфармацыйных рэсурсах Таццяна Кузьмініч.
Менеджар выдавецтва Wiley Наталля Каліцава прадставіла ўдзельнікам магчымасці працы з навуковымі выданнямі на электроннай платформе WileyOnlineLibrary. Асаблівая ўвага была нададзена інфармацыйным рэсурсам адкрытага доступу.
Для аўтараў навуковых публікацый быў праведзены трэнінг па размяшчэнні артыкулаў у міжнародных навуковых часопісах.
Звяртаем увагу вучоных: для аўтараў з Беларусі выдавецтва Wiley адкрыла магчымасць бясплатнай публікацыі артыкулаў у часопісах адкрытага доступу. Для публікацыі даступна больш за 1 500 падпісных (гібрыдных) часопісаў і больш за 150 часопісаў адкрытага доступу. У дапамогу аўтарам распрацавана Кіраўніцтва па публікацыі работ у адкрытым доступе разам з Wiley.
Запрашаем наведаць Нацыянальную бібліятэку Беларусі і скарыстацца доступам да электронных інфармацыйных рэсурсаў Wiley і іншых вядучых сусветных выдаўцоў і агрэгатараў.
Матэрыял прадастаўлены аддзелам карпаратыўнага ўзаемадзеяння.
