У кожнай сям’і ёсць важныя і любімыя кнігі, якія злучаюць пакаленні і маюць асабістую каштоўнасць. У выніку актыўнага выкарыстання і натуральнага старэння яны маюць розныя пашкоджанні. У першую чаргу пакутуе вокладка.
Аддзел рэстаўрацыі і кансервацыі бібліятэчных дакументаў Нацыянальнай бібліятэкі Беларусі праводзіць рэстаўрацыйныя работы, дапамагаючы людзям захаваць сямейныя рэліквіі.
У якасці прыкладу такіх работ – аднаўленне вокладак кніг па кулінарыі 1953 і 1961 гг. выдання, якія маюць дароўныя надпісы іх уладальніцы.
Гэтыя кнігі раней неаднаразова рамантаваліся, што ўскладніла іх аднаўленне. У дадзеным выпадку спецыялісты бібліятэкі аднавілі вокладкі і форзацы, максімальна захоўваючы аўтэнтычнасць дакументаў. Папяровыя лісты па жаданні ўладальніцы не аднаўляліся.
Матэрыял пададзены аддзелам рэстаўрацыі і кансервацыі бібліятэчных дакументаў.
