Супрацоўнікі Нацыянальнай бібліятэкі Беларусі прынялі ўдзел у рэспубліканскім семінары «Дзейнасць публічных цэнтраў прававой інфармацыі па прававой асвеце грамадзян».
Семінар адбыўся 19-20 чэрвеня 2008 г. у Полацку на базе цэнтральнай гарадской бібліятэкі імя Ф.Скарыны. Яго арганізатарам выступіў Нацыянальны цэнтр прававой інфармацыі Рэспублікі Беларусь пры актыўнай падтрымцы Міністэрства культуры Рэспублікі Беларусь, Віцебскага абласнога і Полацкага гарадскога выканаўчых камітэтаў.
У рабоце семінара прынялі ўдзел прадстаўнікі Адміністрацыі Прэзідэнта Рэспублікі Беларусь, Вярхоўнага Суда Рэспублікі Беларусь, Вышэйшага Гаспадарчага Суда Рэспублікі Беларусь, Міністэрства юстыцыі Рэспублікі Беларусь, Міністэрства ўнутраных спраў Рэспублікі Беларусь, мясцовых органаў дзяржаўнай улады, Нацыянальнай бібліятэкі Беларусі, публічных і абласных навуковых бібліятэк, а таксама рэгіянальных (абласных) цэнтраў прававой інфармацыі.
Падчас семінара былі абмеркаваны актуальныя пытанні развіцця дзейнасці публічных цэнтраў прававой інфармацыі па аказанні інфармацыйна-прававых паслуг насельніцтву, павышэнні ўзроўня прававой асветы грамадзян. Прадстаўнікі Нацыянальнай бібліятэкі выступілі з дакладамі «Библиотеки сети Министерства культуры Республики Беларусь как публичные центры правовой информации (2005-2007 гг.)» і «Национальная библиотека Беларуси – центр научно-методического обеспечения деятельности ПЦПИ».
На аснове вынікаў абмеркавання акрэсленых пытанняў Нацыянальным цэнтрам прававой інфармацыі Рэспублікі Беларусь сумесна з Міністэрствам культуры Рэспублікі Беларусь і іншымі зацікаўленымі дзяржаўнымі органамі і арганізацыямі будзе распрацаваны план правядзення мерапрыемстваў па іх рэалізацыі.