ГалоўнаяНавіныНавіны Нацыянальнай бібліятэкі Беларусі
“У пошуках спадчыны Францыска Скарыны”: экскурсія-квест
Новы дом, новае жыццё

Рэспубліканская школа дырэктараў завяршыла працу

Рэспубліканская школа дырэктараў завяршыла працу
Іншыя навіны

14 чэрвеня ў Оршы на базе ДУК “Аршанская цэнтралізаваная бібліятэчная сістэма” працягнула працу Рэспубліканская школа дырэктараў бібліятэк.

У другі дзень адбылося тры сесійныя пасяджэнні – “Кніжнае спадчына ў публічных бібліятэках: захаванне, папулярызацыя і выкарыстанне”, “Аддаленае абслугоўванне ў публічных бібліятэках” і “Кадравае забеспячэнне дзейнасці публічных бібліятэк”.

Дакладчыкамі выступілі кіраўнікі і спецыялісты Гомельскай абласной універсальнай бібліятэкі імя У.І. Леніна, Цэнтралізаванай сістэмы дзіцячых бібліятэк г. Мінска, Цэнтралізаванай бібліятэчнай сістэмы г. Гродна, Пінскай гарадской цэнтралізаванай бібліятэчнай сістэмы, Барысаўскай цэнтральнай раённай бібліятэкі імя І.Х. Каладзеева, Цэнтралізаванай сістэмы дзяржаўных публічных бібліятэк г. Магілёва, Ганцавіцкай раённай цэнтралізаванай бібліятэчнай сістэмы, а таксама прадстаўнікі Нацыянальнай бібліятэкі Беларусі і Беларускага дзяржаўнага ўніверсітэта культуры і мастацтваў.

Удзельнікі сесій абмеркавалі шэраг пытанняў, якія тычацца ўліку і захаванасці кніжных помнікаў краіны і ролі бібліятэк у папулярызацыі кніжнай спадчыны.

Шырокую цікавасць выклікалі даклады, прысвечаныя выкарыстанню віртуальных сэрвісаў для аддаленага абслугоўвання карыстальнікаў публічных бібліятэк, а таксама якаснага аналізу сайтаў бібліятэк як афіцыйнага прадстаўніцтва ў сетцы Інтэрнэт.

Ажыўлена прайшла сесія, прысвечаная кадраваму забеспячэнню бібліятэк. На ёй абмяркоўваліся асаблівасці прафесіі бібліятэкара ў сучасным свеце, роля бесперапыннай адукацыі ў фарміраванні высокакваліфікаванага спецыяліста і ўдасканаленне кадравай палітыкі ўстаноў культуры.

На афіцыйным закрыцці Школы дырэктараў удзельнікі выказалі падзяку арганізатарам за высокі ўзровень правядзення мерапрыемства і ўнеслі свае прапановы пры падвядзенні вынікаў работы.

Вынікі працы Рэспубліканскай школы дырэктараў і прынятыя рашэнні адлюстраваны ў выніковым дакуменце і будуць спрыяць далейшаму ўдасканаленню і вырашэнню праблем развіцця бібліятэчнай галіны.

Матэрыял прадастаўлены навукова-даследчым аддзелам бібліятэказнаўства.

Каментарыі карыстальнікаў:

Каментаванне даступна толькі зарэгістраваным карыстальнікам

Навіны

Факсіміле высокага ўзроўню

19 Ліп 2019

Міжнародны навуковы і выдавецкі праект па факсімільным узнаўленні кніжнай спадчыны Францыска Скарыны, рэалізаваны Нацыянальнай бібліятэкай Беларусі і Банкам БелВЭБ, доўжыўся пяць гадоў і быў паспяхова завершаны падчас святкавання 500-годдзя беларускага кнігадрукавання – у 2017 годзе.

Навіны Нацыянальнай бібліятэкі Беларусі

Па сакрэце: таямніцы фондасховішча Нацыянальнай бібліятэкі

19 Ліп 2019

Нядаўна мы прыадчынілі заслону таямнічасці ў сховішчы “алмаза ведаў”. Значная частка фондаў – гэта не кнігі. Прапануем зазірнуць на стэлажы з газетамі і часопісамі і даведацца больш падрабязна, што захоўваецца ў спецыялізаваным фондзе.

Аўтарскі погляд

Калекцыя Нацыянальнай бібліятэкі папоўнілася самым раннім выданнем Адама Міцкевіча з усіх, што зберагаюцца ў дзяржаўных зборах краіны

19 Ліп 2019

Гэта другі том легендарнага двухтомніка паэтычных твораў Адама Міцкевіча, які выйшаў ў траўні 1823 г. у выдавецтве знакамітага віленскага друкара і кнігагандляра Юзафа Завадскага.

Навіны Нацыянальнай бібліятэкі Беларусі

Беларускі “Буквар” крочыць па планеце

18 Ліп 2019

У 2018 г. Нацыянальная бібліятэка Беларусі завяршыла міжнародны навуковы выдавецкі праект па факсімільным ўзнаўленні кніжнага артэфакта – першай кнігі пад назвай “Буквар”, выдадзенай 24 ліпеня 1618 г. у друкарні Віленскага Свята-Духава праваслаўнага брацтва ў Еўе (цяпер г. Вевіс, Літва).

Навіны Нацыянальнай бібліятэкі Беларусі

Нацыянальная бібліятэка Беларусі на VI Форуме рэгіёнаў Беларусі і Расіі

18 Ліп 2019

16–18 ліпеня ў Санкт-Пецярбургу адбыўся VI Форум рэгіёнаў Беларусі і Расіі пры ўдзеле Прэзідэнта Рэспублікі Беларусь Аляксандра Лукашэнкі і Прэзідэнта Расійскай Федэрацыі Уладзіміра Пуціна, а таксама дэлегацый Савета Рэспублікі Нацыянальнага сходу Рэспублікі Беларусь і Савета Федэрацыі Федэральнага сходу Расійскай Федэрацыі па міжрэгіянальным супрацоўніцтве.

Навіны Нацыянальнай бібліятэкі Беларусі

“Новая” Эліза Ажэшка ў цыкле лекцый Святланы Воцінавай

15 Ліп 2019

Журналістка, галоўны рэдактар часопіса “Маладосць” Святлана Воцінава праводзіць цыкл лекцый, прысвечаны польскамоўнай прадстаўніцы беларускай літаратуры Элізе Ажэшка. У інтэрв'ю для Нацыянальнай бібліятэкі яна распавяла, чаму толькі зараз мы адкрываем для сябе “сапраўдны” вобраз пісьменніцы.

Аўтарскі погляд

Купалаў фэст аб’яднаў літаратурныя і касцёльныя традыцыі

16 Ліп 2019

14 ліпеня ў Радашковічах урачыста адбыўся Купалаў фэст – 2019. Ён праходзіў пад дэвізам “Беларусь – маё сэрца, залатая краіна” .  Арганізатарамі выступілі мінскі Дзяржаўны літаратурны музей Я. Купалы, які прадстаўляла спадарыня Марыя Барткова, і мясцовая каталіцкая парафія.

Навіны бібліятэк

111