ГалоўнаяНавіныНавіны Нацыянальнай бібліятэкі Беларусі
Скарб ідэальнай формы
Пейзаж чалавечай душы

Рэспубліканская школа дырэктараў бібліятэк падвяла вынікі

Рэспубліканская школа дырэктараў бібліятэк падвяла вынікі
Іншыя навіны

13–14 чэрвеня на базе Аршанскай цэнтралізаванай бібліятэчнай сістэмы працавала Рэспубліканская школа дырэктараў бібліятэк.

Арганізатарамі выступілі Міністэрства культуры Рэспублікі Беларусь, Аршанскі раённы выканаўчы камітэт, Нацыянальная бібліятэка Беларусі і Аршанская цэнтралізаваная бібліятэчная сістэма.

Мерапрыемства прайшло ў рамках выканання комплексу мер па рэалізацыі Праграмы развіцця Аршанскага раёна на перыяд да 2023 года, зацверджанага Саветам Міністраў Рэспублікі Беларусь.

У працы Школы дырэктараў прыняло ўдзел каля 150 дэлегатаў: прадстаўнікі Міністэрства культуры Рэспублікі Беларусь, Аршанскага райвыканкама, Нацыянальнай бібліятэкі Беларусі, а таксама кіраўнікі і спецыялісты абласных і цэнтральных бібліятэк рэспублікі.

Такое маштабнае мерапрыемства, калі адначасова сабраліся ўсе кіраўнікі публічных бібліятэк краіны для абмену вопытам, абмеркавання самых актуальных праблем і прыняцця сумесных рашэнняў, адбылося ўпершыню ў гісторыі развіцця бібліятэк Беларусі.

У рамках Школы дырэктараў прайшла цырымонія перадачы ў дар Аршанскай цэнтралізаванай бібліятэчнай сістэме краязнаўчай літаратуры з усіх рэгіёнаў Рэспублікі Беларусь. У выніку акцыі, прымеркаванай да Года малой радзімы, у жыхароў Аршанскага раёна з’явілася магчымасць пазнаёміцца з гісторыяй, культурай, прыродай і іншымі ўнікальнымі асаблівасцямі кожнага кутка Беларусі.

На працягу двухдзённай работы Школы дырэктараў прагучала 29 дакладаў на актуальныя для бібліятэчнай супольнасці тэмы.

Удзельнікі мерапрыемства абмеркавалі пытанні заканадаўчага рэгулявання бібліятэчнай дзейнасці, а таксама актуальныя праблемы развіцця бібліятэчнай галіны ў фарміраванні адзінай інфармацыйнай прасторы Беларусі, інфарматызацыі бібліятэк, фарміравання бібліятэчных фондаў і калекцый, уліку і захаванасці кніжных помнікаў, падрыхтоўкі бібліятэчных кадраў, кваліфікацыйных патрабаванняў да персаналу.

Па выніках працы Рэспубліканскай школы дырэктараў бібліятэк складзены выніковы дакумент, у які былі ўключаныя агучаныя прапановы па далейшым удасканаленні і вырашэнні праблем развіцця бібліятэчнай галіны.

Удзельнікі мерапрыемства выказалі надзею, што падобныя прафесійныя сустрэчы рэспубліканскага ўзроўню стануць добрай традыцыяй для бібліятэчнай супольнасці.

Матэрыял прадастаўлены навукова-даследчым аддзелам бібліятэказнаўства.

Чытайце таксама:

Навіны

Восеньскі каляндар “Гадзіны музыкі”

22 Ліс 2019

21 лістапада навуковы супрацоўнік цэнтра даследаванняў беларускай культуры, мовы і літаратуры Нацыянальнай акадэміі навук Беларусі, этнамузыкалогіі Таццяна Леанідаўна Канстанцінава ў рамках “Гадзіны музыкі” выступіла з прэзентацыяй на тэму “Каляндарныя абрады і песні беларусаў у восеньскi перыяд”.

Навіны Нацыянальнай бібліятэкі Беларусі

Зацверджаны вынікі V Рэспубліканскага конкурсу “Бібліятэка – цэнтр духоўнай асветы і выхавання”

22 Ліс 2019

15 лістапада Распараджэннем Беларускай Праваслаўнай Царквы зацверджаны вынікі V Рэспубліканскага конкурсу “Бібліятэка – цэнтр духоўнай асветы і выхавання”.

Навіны Нацыянальнай бібліятэкі Беларусі

Кампетэнтна і падрабязна

21 Ліс 2019

20 лістапада Нацыянальнай бібліятэкай Беларусі і Беларускай рэспубліканскай калегіяй адвакатаў у рамках мерапрыемстваў па інфармацыйна-прававой асвеце грамадзян была арганізавана і праведзена штомесячная тэматычная сустрэча з адвакатам “Звароты грамадзян: з практыкі грамадзянска-прававога кансультавання”.

Навіны Нацыянальнай бібліятэкі Беларусі

Віртуальны ваяж па тэатрах нашай краіны – з вэб-сайтам “Беларусь у інфармацыйнай прасторы”

20 Ліс 2019

Запрашаем наведаць тэатральную старонку навігатара “Беларусь у інфармацыйнай прасторы”. Тут вы знойдзеце інфармацыю аб музычных, драматычных, лялечных і іншых тэатрах Рэспублікі Беларусь, якія ставяць спектаклі для гледачоў розных узростаў: ад 3-х да 103-х гадоў.

Навіны Нацыянальнай бібліятэкі Беларусі

111