29 красавіка 2008 года ў Нацыянальнай бібліятэцы Беларусі адбылося адкрыццё мультымедыйнай выстаўкі «Рэспубліка разнастайнасці культур», арганізаванай пры садзейнічанні Польскага інстытута ў Мінску.
Выстаўка адлюстроўвае гісторыю талерантнасці і ўзаемнага суіснавання розных нацыянальнасцей на тэрыторыі Рэчы Паспалітай.
Экспазіцыя, якая складаецца з 10 мультымедыйных пультаў, цалкам падрыхтавана Нацыянальнай бібліятэкай у Варшаве і па форме ўяўляе сабой дзесяць кароткіх дакументальных фільмаў. Два з іх расказваюць аб гісторыі Польшчы і гісторыі польскай Нацыянальнай бібліятэкі. Астатнія восем прысвечаны розным культурным сферам, спадчына якіх мела ўплыў на сучасную культуру Польшчы. Гэтая шматстайная мазаіка культур прадстаўлена ў выглядзе найбольш каштоўных рукапісаў, інкунабул, карт і кніг з фондаў Нацыянальнай бібліятэкі.
Выстаўка будзе працаваць да канца мая.
 |
 |
 |
