8 красавіка адбылася сустрэча Кацярыны Мікалаеўны Дулавай, рэктара Беларускай дзяржаўнай акадэміі музыкі, члена Канстытуцыйнай камісіі, з працоўным калектывам Нацыянальнай бібліятэкі Беларусі.
Тэма сустрэчы – унясенне змен і дапаўненняў у палажэнні Канстытуцыі Рэспублікі Беларусь.
Кацярына Мікалаеўна расказала аб сваёй працы ў Канстытуцыйнай камісіі, аб прапановах па ўнясенні змен, якія паступаюць у камісію, аб сферах, якія будуць закрануты падчас змянення Галоўнага закона краіны.
Рэктар Беларускай дзяржаўнай акадэміі музыкі падкрэсліла значнасць сустрэч з калегамі, дзеячамі культуры і мастацтва, моладдзю і заклікала прысутных накіроўваць ёй свае прапановы па ўнясенні змен у Канстытуцыю Рэспублікі Беларусь.
Матэрыял пададзены аддзелам сувязей з грамадскасцю.