22 кастрычніка ў межах VIII Міжнароднага кангрэса “Бібліятэка як феномен культуры” адбылася прэзентацыя навукова-практычнага зборніка “Краязнаўчыя інфармацыйныя рэсурсы бібліятэк: ствараем супольна і якасна”.
Тым самым выкананы адзін з пунктаў прапаноў, запісаных у рэзалюцыі VII Міжнароднага кангрэса “Бібліятэка як феномен культуры” (2020 г.):
“…падрыхтаваць супастаўляльныя табліцы класаў УДК і ББК (згодна «Тыпавой схеме класіфікацыі для краязнаўчых каталогаў (картатэк) бібліятэк Рэспублікі Беларусь» (Мінск, 1994)”.
У зборніку, акрамя вышэйзгаданых супастаўляльных табліц, змешчаны карысныя для бібліятэк краіны метадычныя матэрыялы для работы з краязнаўчымі і краіназнаўчымі дакументамі з выкарыстаннем міжнароднай сістэмы “Універсальная дзесятковая класіфікацыя” (УДК) на беларускай мове.
Зборнік прызначаны для бібліятэк, кнігагандлёвых арганізацый, інфармацыйных цэнтраў па сістэматызацыі дакументаў, арганізацыі краязнаўчых і краіназнаўчых дакументных фондаў і пошуку адпаведнай інфармацыі. Выданне будзе карысным таксама для сістэмы падрыхтоўкі кадраў і павышэння іх кваліфікацыі, пры правядзенні семінарскіх заняткаў, чытанні адпаведных лекцыйных курсаў.
ЗМЕСТ
Уступ
Краязнаўчыя інфармацыйныя рэсурсы і перспектывы выкарыстання міжнароднай сістэмы УДК у Беларусі
Стратэгія развіцця УДК на беларускай мове і яе ўкараненне ў работу публічных бібліятэк Беларусі для патрэб краязнаўчай дзейнасці
Супастаўляльныя табліцы "Тыпавой схемы класіфікацыі дакументаў для краязнаўчых каталогаў (картатэк) бібліятэк Рэспублікі Беларусь" (Мінск, 1994) і "Універсальнай дзесятковай класіфікацыі" на беларускай мове (Мінск, 2016)
Прадметны паказальнік да супастаўляльных табліц
ДАДАТАК 1 Прыклады прымянення індэксаў УДК (гуманітарныя і грамадскія навукі)
ДАДАТАК 2 Прыклады прымянення індэксаў УДК (прыродазнаўчыя і прыкладныя навукі)
ДАДАТАК 3 Вызначальнікі месца сучаснай тэрыторыі Беларусі
ДАДАТАК 4 Гісторыя Беларусі згодна УДК на беларускай мове (Мінск, 2016)
ДАДАТАК 5 Палажэнне аб краязнаўчай дзейнасці бібліятэк Рэспублікі Беларусь
ДАДАТАК 6 Карыстальнікі УДК у Беларусі
ДАДАТАК 7 Спіс літаратуры па методыцы індэксавання дакументаў з прымяненнем УДК (асноўная літаратура)
Матэрыял падрыхтаваны аддзелам індэксавання дакументаў і аўтарытэтнага кантролю.