26 кастрычніка Нацыянальнай бібліятэкай Беларусі і Беларускай рэспубліканскай калегіяй адвакатаў у рамках мерапрыемстваў па інфармацыйна-прававой асвеце грамадзян была арганізавана і праведзена штомесячная тэматычная сустрэча з адвакатам “Іпатэчнае жыллёвае крэдытаванне і іншыя новаўвядзенні пры будаўніцтве жылля”.
З лекцыяй выступіла адвакат, член Мінскай гарадской калегіі адвакатаў Галіна Віктараўна Мельнічонак.
На сустрэчы былі падрабязна асветлены прававыя пытанні ў рамках дзеючага заканадаўства Рэспублікі Беларусь датычна жыллёвага крэдытавання, атрымання льготных крэдытаў, долевага будаўніцтва, а таксама набыцця жылля шляхам жыллёвых аблігацый.
Карыстальнікі НББ змаглі атрымаць кампетэнтныя і падрабязныя адказы спецыяліста на актуальныя пытанні аб парадку іпатэчнага крэдытавання пры набыцці (будаўніцтве) жылля.
У рамках мерапрыемства таксама экспануецца тэматычная выстава літаратуры з фондаў Нацыянальнай бібліятэкі Беларусі, прадстаўленая ў зале прававой інфармацыі (пам. 207b).
Матэрыял пададзены аддзелам абслугоўвання афіцыйнымі дакументамі.
Сачыце за анонсамі наступных мерапрыемстваў.