18 мая Нацыянальнай бібліятэкай Беларусі і Беларускай рэспубліканскай калегіяй адвакатаў у рамках мерапрыемстваў па інфармацыйна-прававой асвеце грамадзян была арганізавана і праведзена штомесячная тэматычная сустрэча з адвакатам “Адміністратыўныя правапарушэнні: права на абарону”.
З лекцыяй выступіла адвакат Мінскай абласной юрыдычнай кансультацыі № 1 Дзіна Фёдараўна Хаванская.
На сустрэчы былі падрабязна асветлены прававыя пытанні ў рамках дзеючага заканадаўства Рэспублікі Беларусь датычна паняцця і відаў адміністратыўных спагнанняў, адміністратыўнай адказнасці непаўналетніх, тыповых памылак пры падачы скарг, а таксама працэдуры прымірэння ў адміністратыўных спрэчках і ўдзелу абаронцы ў адміністратыўным працэсе.
Карыстальнікі НББ змаглі атрымаць кампетэнтныя і падрабязныя адказы спецыяліста на актуальныя пытанні па тэме.
У рамках мерапрыемства таксама экспануецца тэматычная выстава літаратуры з фондаў Нацыянальнай бібліятэкі Беларусі, прадстаўленая ў зале прававой інфармацыі (пам. 207b).
Матэрыял пададзены аддзелам абслугоўвання афіцыйнымі дакументамі.
Сачыце за анонсамі наступных мерапрыемстваў.
