17 лістапада Нацыянальнай бібліятэкай Беларусі і Беларускай рэспубліканскай калегіяй адвакатаў у рамках мерапрыемстваў па інфармацыйна-прававой асвеце грамадзян была арганізавана і праведзена штомесячная тэматычная сустрэча з адвакатам “Падзел маёмасці пры разводзе: адказвае адвакат”.
З лекцыяй выступіла адвакат Мінскай гарадской калегіі адвакатаў Князь Юлія Юр’еўна.
На сустрэчы былі падрабязна асветлены прававыя пытанні ў рамках дзеючага заканадаўства Рэспублікі Беларусь, якія датычацца падзелу сумесна нажытай маёмасці мужа і жонкі, як у добраахвотным, так і ў судовым парадку; пералічаны катэгорыі маёмасці, якія не падлягаюць падзелу пры скасаванні шлюбу; закрануты пытанні па тэрмінах іскавай даўнасці, а таксама прымянення мер абмежаванні пры адмове аднаго з бакоў выконваць рашэнні суда.
Карыстальнікі НББ змаглі задаць і атрымаць кампетэнтныя і падрабязныя адказы спецыяліста на актуальныя пытанні па зададзенай тэме.
У рамках мерапрыемства таксама экспануецца тэматычная выстава літаратуры з фондаў Нацыянальнай бібліятэкі Беларусі, прадстаўленая ў зале прававой інфармацыі (пам. 207b).
Матэрыял пададзены аддзелам абслугоўвання афіцыйнымі дакументамі.