25 кастрычніка ў дзіцячым пакоі прайшло літаратурнае чытанне “Размова пра маму”.
Адкрылася мерапрыемства займальнай прэзентацыяй кніг, прысвечаных маме.
Пасля знаёмства з тэматычнымі апавяданнямі і вершамі дзеці падзяліліся сваімі ўражаннямі і расказалі, што для кожнага з іх значыць любіць маму.
Усе дружна пагадзіліся, што маме трэба як мага часцей дарыць дабрыню і пяшчоту, а сваю ўдзячнасць выяўляць не толькі на словах, але і ўчынкамі. Сустрэча закранула самыя тонкія струны дзіцячых душ і заахвоціла ўсіх праяўляць клопат і павагу да маці.
Завяршылася мерапрыемства стварэннем творчай работы. Маленькія ўдзельнікі намалявалі партрэт мамы, упрыгожыўшы яго восеньскім лісцем.