ГалоўнаяНавіныНацыянальная бібліятэка Беларусі
Рэха Чарнобыля
Лепшыя ўзоры амерыканскай літаратуры XXI стагоддзя прадстаўлены ў Нацыянальнай бібліятэцы

Рассакрэчанае XX стагоддзе: прэзентавана кніга пра Кірыла Мазурава

Рассакрэчанае XX стагоддзе: прэзентавана кніга пра Кірыла Мазурава
Іншыя навіны

11 красавіка ў бібліятэцы прайшла прэзентацыя кнігі Наталлі Голубевай “Кирилл Мазуров. О чем молчало время…”.

Арганізатары мерапрыемства – Нацыянальная бібліятэка Беларусі і выдавецтва “Беларуская Энцыклапедыя імя Петруся Броўкі”.

Пісьменнік, кандыдат гістарычных навук Наталля Голубева прадставіла ў кнізе новы погляд на падзеі супярэчлівага і неадназначнага XX стагоддзя, сведкам і непасрэдным удзельнікам якіх быў палітычны дзеяч, першы сакратар ЦК КПБ, першы намеснік старшыні Савета Міністраў СССР Кірыл Мазураў.

На аснове шырокай даследчай базы, рассакрэчаных архіўных дакументаў, асабістых дзённікавых запісаў Кірыла Мазурава ў выданні зроблена спроба пераасэнсаваць час і падзеі эпохі, вакол якіх і сёння не сціхаюць спрэчкі.

У прэзентацыі прынялі ўдзел дырэктар выдавецтва “Беларуская Энцыклапедыя імя Петруся Броўкі” Уладзімір Андрыевіч, кіраўнік упраўлення выдавецкай і паліграфічнай дзейнасці Міністэрства інфармацыі Рэспублікі Беларусь Алена Паўлава, старшыня Цэнтральнага выбарчага камітэта Рэспублікі Беларусь Лідзія Ярмошына, дырэктар дэпартамента па архівах і справаводстве Міністэрства юстыцыі Рэспублікі Беларусь Віктар Кураш, аўтар кнігі Наталля Голубева, прафесар МДІМА, дачка Кірыла Мазурава Наталля Капітонава, дырэктар Нацыянальнай бібліятэкі Беларусі Раман Матульскі.

Напрыканцы мерапрыемства дырэктар выдавецтва “Беларуская Энцыклапедыя імя Петруся Броўкі” Уладзімір Андрыевіч перадаў экзэмпляр выдання ў дар Нацыянальнай бібліятэцы Беларусі.

Каментарыі карыстальнікаў:

Каментаванне даступна толькі зарэгістраваным карыстальнікам

Навіны

“Вар’ят”-перакладчык

22 Ліп 2018

Цяжка знайсці чалавека, які ні разу не чуў пра выдатнага французскага філосафа-асветніка XVIII стагоддзя Вальтэра. Таксама шмат хто ведае, што сапраўднае імя філосафа было Франсуа-Мары-Аруэ. Але малавядомы той факт, што ў яго было больш за 160 псеўданімаў!

Навіны бібліятэк

Востры тэмперамент Бярозкіна

21 Ліп 2018

Рыгор Бярозкін, якому ў гэтым месяцы споўнілася б сто гадоў, захапляўся паэзіяй Уладзіміра Маякоўскага. Яго з’едліва-змястоўнай рэзкасцю, адсутнасцю ўнутранага і вонкавага спакою, балансаваннем на мяжы кепскага густу і дзівоснай метафарыстыкі, нечакана вострым адчуваннем таго, што перад табой не верш, а... баксёрскі двубой, калі словы, вобразы, гукі, сказы б’юць па слыху і гусце чытача, як удары на рынгу.

Навіны бібліятэк

Рэйтынгі ад “Белкнігі”: творы на беларускай мове

19 Ліп 2018

У краіне працуе больш за 100 кнігарняў у сістэме дзяржаўнага кнігагандлю – крамы “Белкнігі”. Па кварталах і паўгоддзях распаўсюджвальнікі кніжнай прадукцыі вядуць рэйтынгі продажу: літаратуры замежнай і беларускай вытворчасці; літаратуры вытворчасці Рэспублікі Беларусь, якая прадаецца ў “Белкнізе”; літаратуры на беларускай мове.

Навіны бібліятэк

Ад Грушаўкі да Эйфелевай вежы: падарожжа па кнізе Таццяны Мушынскай

19 Ліп 2018

Працоўнае месца пісьменніка – стол з камп’ютарам. Менавіта такі вобраз паўстае ва ўяўленні большасці сучасных людзей. Ці ўсе пры гэтым разумеюць, што сюжэт ствараецца не падчас «прабежак» пальцаў па клавіятуры. Ён можа спець гадамі, нават дзесяцігоддзямі, складацца з дробных аскепачкаў жыццёвага досведу, успамінаў дзяцінства, пачуццяў, эмоцый, уражанняў… Часам з усяго гэтага вырастае квяцістае дрэва рамана ці аповесці. Часам кожны сюжэт прарастае асобнай раслінай, і пісьменнік апынаецца ў вялікім «садзе сваіх успамінаў». Як, напрыклад, Таццяна Мушынская.

Навіны бібліятэк

Моладзевы летнік на радзіме Васіля Быкава

22 Ліп 2018

14–19 жніўня ў Бычках – на радзіме Васіля Быкава – пройдзе моладзевы летнік “Брэнд беларускай культуры”, на які запрашаецца моладзь ад 18 да 30 гадоў. Удзельнікі змогуць сумясціць адпачынак, нефармальнае навучанне на свежым паветры ды працу па ўладкаванні тэрыторыі каля дома-музея пісьменніка.

Навіны бібліятэк