Служба электроннай дастаўкі дакументаў, распрацаваная Нацыянальнай бібліятэкай Беларусі, узнагароджана спецыяльным дыпломам інтэрнэт-прэміі “ТІБО” ў намінацым “Каталогі і электронны сэрвіс”.
Як паведамляецца на сайце Міжнароднай спецыялізаванай выстаўкі па тэлекамунікацыях, інфармацыйных і банкаўскіх тэхналогіях, інтэрнэт-прэмія “ТІБО” з’яўляецца прэміяй арганізацыйнага камітэта выстаўкі, якая штогод прысуджаецца сеткавым работам, створаным у нацыянальным сегменце Інтэрнэту. З 2003 года ў конкурсе ўзялі ўдзел звыш 5 тыс. беларускіх інтэрнэт-рэсурсаў.
Сярод асноўных мэт інтэрнэт-прэміі – падтрымка новых інфармацыйных тэхналогій, садзейнічанне станаўленню і развіццю беларускага сектара Інтэрнэту і прапаганда яго лепшых дасягненняў.
Міжнародны спецыялізаваны форум па тэлекамунікацыях, інфармацыйных і банкаўскіх тэхналогіях “ТІБО-2013” праходзіў у Мінску з 23 па 26 красавіка. У ім узялі ўдзел звыш 300 кампаній з 15 краін.
Асноўнымі арганізатарамі форуму “ТІБО” выступаюць Міністэрства сувязі і інфарматызацыі і Міністэрства інфармацыі Беларусі. Форум праводзіцца з 1994 года і прыцягвае ўвагу вядучых беларускіх і сусветных вытворцаў абсталявання, тэхналогій, праграмнага забеспячэння.
Сайт службы электроннай дастаўкі дакументаў
Чытайце таксама:
- Нацыянальная бібліятэка Беларусі на “ТІБО-2013”
- Нацыянальная бібліятэка Беларусі на “ТІБО-2012”
- I месца ў конкурсе “ТІБО-2011” на лепшы інтэрнэт-рэсурс
- Нацыянальная бібліятэка Беларусі на “ТІБО-2011”
- Нацыянальная бібліятэка Беларусі на “ТІБО-2010”
- I месца ў конкурсе “ТІБО-2009” на лепшы інтэрнэт-рэсурс
- Нацыянальная бібліятэка Беларусі на “ТІБО-2009”
- Нацыянальная бібліятэка Беларусі на “ТІБО-2008”
- Национальная библиотека Беларуси на “ТИБО-2007”
