25 лютага ў Нацыянальнай бібліятэцы Беларусі адбыўся вебінар на тэму “Выкананне работ па дробным рамонце дакументаў”.
Падчас вебінара спецыялісты аддзела рэстаўрацыі і кансервацыі бібліятэчных дакументаў цэнтра алічбоўкі і забеспячэння захаванасці бібліятэчных дакументаў Нацыянальнай бібліятэкі Беларусі на практычных прыкладах прадэманстравалі спосабы рамонту кніжнага блока; прадставілі агляд падручных сродкаў і матэрыялаў для рамонту бібліятэчных дакументаў масавага выкарыстання; распавялі пра асаблівасці забеспячэння захаванасці бібліятэчных дакументаў з улікам розных катэгорый іх каштоўнасці.
У мерапрыемстве ўзялі ўдзел спецыялісты абласных і цэнтральных бібліятэк, якія ажыццяўляюць рамонт папяровых дакументаў масавага выкарыстання, прадстаўнікі Нацыянальнага архіва Рэспублікі Беларусь.
Матэрыял пададзены аддзелам рэстаўрацыі і кансервацыі бібліятэчных дакументаў цэнтра алічбоўкі і забеспячэння захаванасці бібліятэчных дакументаў.