29 верасня ў рамках Дзён беларускай культуры ў Санкт-Пецярбургу дырэктар Нацыянальнай бібліятэкі Беларусі Раман Матульскі наведаў Расійскую нацыянальную бібліятэку.
У канферэнц-зале галоўнага будынка РНБ Раман Матульски расказаў пра стан, стратэгію і развіццё Нацыянальнай бібліятэкі Беларусі як адной з найбуйнейшых нацыянальных бібліятэк Еўропы.
Сустрэча прайшла ў форме адкрытага дыялогу. У спецыялістаў навуковых і навукова-вытворчых аддзелаў бібліятэкі была магчымасць задаць пытанні і падзяліцца меркаваннямі аб праблемах, якія прадстаўляюць агульную цікавасць. Па выніку сустрэчы Раман Матульскі перадаў у дар Расійскай нацыянальнай бібліятэцы факсіміле выдання Францыска Скарыны.
Дні беларускай культуры ў Санкт-Пецярбургу арганізаваны Міжпарламенцкай Асамблеяй дзяржаў-удзельніц СНД і Нацыянальным сходам Рэспублікі Беларусь і праводзяцца 29–30 верасня 2014 года. У ліку мерапрыемстваў у РНБ адбылося адкрыццё выстаўкі “Беларуская кніга: ад старажытнасці да нашых дзён”, аснову якой склалі выданні-рарытэты, што захаваліся ў адзіным экзэмпляры.