4 кастрычніка на базе Нацыянальнай бібліятэкі Беларусі адбудзецца рэспубліканскі семінар па пытаннях доступу грамадзян да нацыянальнага заканадаўства “Публічныя цэнтры прававой інфармацыі Рэспублікі Беларусь: статуc і перспектыўныя напрамкі дзейнасці”.
Арганізатарам мерапрыемства выступае Нацыянальны цэнтр прававой інфармацыі Рэспублікі Беларусь пры садзейнічанні Міністэрства культуры Рэспублікі Беларусь і Нацыянальнай бібліятэкі Беларусі.
У ліку ўдзельнікаў – прадстаўнікі Вярхоўнага Суда, Вышэйшага Гаспадарчага Суда, Міністэрства юстыцыі, Нацыянальнага цэнтра заканадаўства і прававых даследаванняў, абласных і раённых выканаўчых камітэтаў, прадстаўнікі бібліятэчнага супольніцтва, іншыя зацікаўленыя дзяржаўныя органы і арганізацыі Рэспублікі Беларусь.
Ключавой мэтай семінара з’яўляецца абмеркаванне статусу публічных цэнтраў прававой інфармацыі (ПЦПІ) на падставе абноўленай нарматыўна-прававой базы, выпрацоўка шляхоў павышэння эфектыўнасці іх функцыянавання ў дзяржаўнай сістэме прававой інфармацыі Рэспублікі Беларусь, а таксама вызначэнне стратэгіі развіцця сеткі ПЦПІ на бліжэйшыя гады.
Фармат семінара прадугледжвае правядзенне пленарнага пасяджэння, у рамках якога плануецца падвесці вынікі дзейнасці ПЦПІ і абмеркаваць праблемныя пытанні іх сучаснага развіцця ва ўмовах інфармацыйнага грамадства.
Па пытаннях удзелу ў рэспубліканскім семінары звяртацца ў аргкамітэт:
г. Мінск, вул. Берсана, 1а.
Тэлефон: (8017) 222-70-75.
Факс: (8017) 222-70-64.
e-mail: journal@ncpi.gov.by
