27 кастрычніка а палове 19-й гадзіны ў галерэі "Лабірынт" у рамках праекта "Кропка Адліку" адбудзецца інфармацыйна-пазнавальная праграма " Псіхасаматыка: як захаваць свой рэзерв здароўя".
Асноўная тэма мерапрыемства – самааздараўленне.
Прычынна-выніковая сувязь псіхалогіі чалавека і саматычнага захворвання апасродкавана існуе. Сярод прычын захворванняў, акрамя іншых неспрыяльных фактараў, называюць і псіхалагічныя асаблівасці. Большасць хвароб служаць сігналам парушэнняў у сістэме, якая аб'ядноўвае розум, цела і эмоцыі.
У праграме будзе абмяркоўвацца псіхалогія хвароб цела, а таксама будуць дадзены практычныя рэкамендацыі па захаванні рэзерву здароўя.
У гасцях спецыяліст у галіне грамадскай аховы здароўя, доктар медыцынскіх навук Элеанора Кузьмінічна Капітонава.
Мерапрыемства платнае – 2 500 руб. Аплата ў касе бібліятэкі (кіёск, цэнтральны ўваход).
Кантактныя тэлефоны: 266-37-37, 293-27-56; МТС (8 029) 7-725-752.
