5 снежня ў дзіцячым пакоі прайшоў майстар-клас па лепцы з салёнага цеста “Простыя скульптуры”.
На мерапрыемстве хлопцы пазнаёміліся з рознымі спосабамі вырабу пластычнага і мяккага матэрыялу – салёнага цеста. Асвоіўшы асноўныя прыёмы лепкі, дзеці змаглі прайсці ўсе этапы стварэння скульптуры: даведаліся, што з цеста можна рабіць плоскія і аб’ёмныя цацкі, навучыліся раскачваць цеста качалкай і выразаць формачкамі фігуркі.
Дзеці адкрылі для сябе дзіўную магчымасць са, здавалася б, звычайнага матэрыялу ствараць незвычайныя прыгожыя фігуркі, якія могуць стаць выдатным упрыгажэннем для навагодняй ёлкі.
Сумесная творчасць дазволіла хлопчыкам і дзяўчынкам акунуцца ў атмасферу натхнення, прыгажосці і радасці.
Чытайце таксама пра іншыя мерапрыемствы, якія праходзяць у дзіцячым пакоі бібліятэкі.
Матэрыял прадастаўлены аддзелам запісу і інфармавання карыстальнікаў.