12–14 лютага ў рамках ХХIІ ММКВК “Кнігі Беларусі” Нацыянальная бібліятэка прэзентуе факсімільныя выданні “Кніжная спадчына Францыска Скарыны” і “Тураўскае Евангелле”, а таксама фотаальбом “Кніжная спадчына Беларусі”.
12 лютага ў 11.40 пройдзе прэзентацыя фотаальбома “Кніжная спадчына Беларусі”. У выданні ўпершыню ў вялікім аб’ёме прадстаўлены рукапісныя і старадрукаваныя кнігі, выданні, прысвечаныя беларускай тэматыцы, рэдкія і каштоўныя кнігі, картаграфічныя і выяўленчыя матэрыялы, а таксама экзэмпляры кніг з вядомых беларускіх кніжных збораў.
Прэзентацыя факсімільнага выдання “Кніжная спадчына Францыска Скарыны” адбудзецца 13 лютага ў 10.00. Перавыданая спадчына змяшчае пяць кніг беларускага першадрукара. Усе выданні суправаджаюцца каментарыямі вучоных, а таксама ўпершыню выкананымі перакладамі прадмоў і пасляслоўяў Францыска Скарыны на сучасныя беларускую, рускую і англійскую мовы.
14 лютага ў 10.30 удзельнікі і госці выстаўкі-кірмашу ўбачаць прэзентацыю факсімільнага ўзнаўлення самага старажытнага кніжнага помніка Беларусі – “Тураўскае Евангелле” ХI стагоддзя.
Прэзентацыі пройдуць на галоўнай сцэне Нацыянальнага выставачнага цэнтра “БелЭкспа” (прасп. Пераможцаў, 14).
Тэлефоны для даведак: (8 017) 293 27 56, 293 79 80.
Е-mail: pr@nlb.by
Чытайце таксама:
- Удзел бібліятэкі ў ХХI ММКВК
- Праекты бібліятэкі ў рамках XX ММКВК
- Удзел бібліятэкі ў XIX Мінскай МКВК
- Прэзентацыя інвестыцыйных праектаў бібліятэкі ў рамках XVIII ММКВК
- Нацыянальная бібліятэка Беларусі – удзельнік XVII ММКВК
- Удзел бібліятэкі ў XVI ММКВК "Кнігі Беларусі"
- Удзел бібліятэкі ў XIV ММКВК "Кнігі Беларусі"
