ГалоўнаяНавіныНавіны Нацыянальнай бібліятэкі Беларусі
Свет дзікай прыроды: выратаваць і захаваць
Старажытнасці Навагрудчыны

Прэзентацыя выдання “Уладзімір Слабодчыкаў. Скульптура”

Прэзентацыя выдання “Уладзімір Слабодчыкаў. Скульптура”
Іншыя навіны

26 лютага ў бібліятэцы адбылася прэзентацыя выдання “Уладзімір Слабодчыкаў. Скульптура”, што ўбачыла свет у Выдавецкім доме “Звязда” пры падтрымцы Міністэрства інфармацыі Рэспублікі Беларусь.


У альбоме сабраны выявы скульптур вялікай і малой форм, якія зроблены таленавітым творцам.

“Сёння я адкрываю мерапрыемства з асобым пачуццём, таму што Уладзімір Слабодчыкаў шмат удзельнічаў у афармленні бібліятэкі, работы аўтара ўпрыгожваюць другі паверх установы. Яго кніга для нас – вялікі падарунак”, – адзначыла пад час прэзентацыі першы намеснік дырэктара Нацыянальнай бібліятэкі Беларусі Алена Далгаполава.

Аўтар кнігі расказаў пра тое, як яна стваралася і як ствараліся менавіта тыя скульптуры, што знайшлі адлюстраванне ў кнізе. Дазналіся госці і пра творчы шлях майстра.

Уладзімір Слабодчыкаў з’яўляецца заслужаным дзеячам мастацтваў Рэспублікі Беларусь, членам Брытанскага каралеўскага таварыства скульптараў, ганаровым членам Расійскай акадэміі мастацтваў. З 1989 года ён працуе загадчыкам кафедры скульптуры ў Беларускай дзяржаўнай акадэміі мастацтваў. Яго скульптуры захоўваюцца не толькі ў айчынных музеях, але галерэях і музеях Расіі, Швейцарыі, Італіі, ЗША, Кітая і інш.

З цёплымі словамі ў адрас Уладзіміра Слабодчыкава выступі прадстаўнікі Выдавецкага дома “Звязда” і кампаніі-спонсара “Софтлайн”, пажадаўшы аўтару творчага даўгалецця. Аб ілюстрацыйнай частцы праекта расказаў дызайнер выдання Аляксандр Кулажанка.

У межах прэзентацыі ўвазе гасцей была прадстаўлена выстаўка-прагляд выданняў, прысвечаных айчыннай і замежнай скульптуры.

Лірычны настрой мерапрыемства падтрымалі музыканты Гімназіі-каледжа мастацтваў імя І.В. Ахрэмчыка.

   

Навіны

Відэаўрок па асновах пошуку ў вэб-каталогу Нацыянальнай бібліятэкі Беларусі

12 Ліс 2019

Анлайн-каталог Нацыянальнай бібліятэкі Беларусі – самы наведвальны і запатрабаваны інфармацыйны рэсурс бібліятэкі. Гэта платформа для пошуку дакументаў з фондаў бібліятэкі, ліцэнзійных баз даных і інфармацыйных рэсурсаў адкрытага доступу.

Навіны Нацыянальнай бібліятэкі Беларусі

Спектакль у бібліятэцы: малышам паказалі казку пра сапраўднае сяброўства

6 Ліс 2019

“Як забавіць дзіця на канікулах?” – думаюць выхавальнікі, настаўнікі і бацькі школьнікаў. Але пастаянных гасцей Нацыянальнай бібліятэкі Беларусі не турбуе гэтае пытанне. Яны ведаюць, што іх малышэй чакаюць займальныя спектаклі ў нашай канферэнц-зале.

Навіны Нацыянальнай бібліятэкі Беларусі

Вечны водар чабору. Свой верш “Пахне чабор” Пятрусь Броўка прысвяціў першаму каханню

5 Ліс 2019

Вечны водар чабору

60 гадоў таму адбылася
падзея ў гiсторыi беларускай лiтаратуры: з’явiўся зборнiк, назву якому даў верш,
што назаўсёды ўвойдзе ў лiк шэдэўраў: “Пахне чабор” Петруся Броўкi.

Навіны бібліятэк

Канферэнцыя “Развіццё нацыянальнай літаратуры і чытання ў краінах СНД”

5 Ліс 2019

30–31 кастрычніка ў Маскве, у Расійскай дзяржаўнай бібліятэцы, прайшла міжнародная канферэнцыя “Развіццё нацыянальнай літаратуры і чытання ў краінах СНД”.

Навіны Нацыянальнай бібліятэкі Беларусі

Караткевіч па-руску: без купюр

5 Ліс 2019

Уладзімір Караткевіч – адзін з самых складаных для перакладу творцаў. У серыі «Беларуская класіка па-руску» («Белорусская классика на русском языке») у выдавецтве «Беларусь» сёлета пабачылі свет яго творы «Каласы пад сярпом тваім» («Колосья под серпом твоим») і «Ладдзя Роспачы» («Ладья Отчаяния»).

Навіны бібліятэк

111