Выданне ўяўляе сабой фундаментальную працу, дзе комплексна адлюстравана багацце і разнастайнасць асноўных відаў і жанраў народнай культуры ўсіх шасці гісторыка-этнаграфічных рэгіёнаў Беларусі. Праца не мае аналагаў у сучасным еўрапейскім народазнаўстве і выклікае вялікі навуковы інтарэс як у вучоных-славістаў, так і даследчыкаў народнай культуры, у тым ліку замежных.

За стварэнне такога фундаментальнага выдання аўтарскі калектыў у складзе Алены Боганевай, Тамары Варфаламеевай (Цэнтр даследаванняў беларускай культуры, мовы і літаратуры Нацыянальнай акадэміі навук Беларусі) і Мікалая Козенкі (Цэнтр дадатковай адукацыі “Ветразь” Кастрычніцкага раёна г. Мінска) стаў лаўрэатам спецыяльнай прэміі Прэзідэнта Рэспублікі Беларусь дзеячам культуры і мастацтва 2014 года.

Як адзначыў пад час мерапрыемства дырэктар Нацыянальнай бібліятэкі Беларусі Раман Матульскі, гэтыя людзі вартыя таго, каб пра іх не адзін дзень гаварылі ў навінах і ўшаноўвалі за такія даследаванні кожны дзень. “Фантастычная навуковая праца!” – ацаніў ён.

“Нашу працу ніколі не ўшаноўвалі так, як зараз. Прэзідэнцкая прэмія – гэта прызнанне дзяржавай нашай работы. Але справа ў тым, што перад вамі калектыў людзей, якія іншага рабіць не ўмеюць і не хочуць”, – жартавала Тамара Варфаламеева. Аўтарка расказала, як крок за крокам на працягу 20 гадоў стваралася гэтая вялікая праца. Яна ўзгадала ўсіх, хто працаваў над шасцітомнікам, але апынуўся, як гавораць, па-за кадрам.

У межах прэзентацыі госці мелі магчымасць пазнаёміцца з кніжнай выстаўкай-праглядам па тэме “Традыцыйная мастацкая культура беларусаў”.

Акрамя таго, бібліятэка падрыхтавала кніжна-ілюстрацыйную выстаўку “Вялікі талент, вялікая работа, вялікае сэрца”, прысвечаную лаўрэатам прэміі “За духоўнае адраджэнне” і спецыяльнай прэміі Прэзідэнта Рэспублікі Беларусь 2014 года.

Экспазіцыя дзейнічае да 3 сакавіка 2015 года ў кальцавым калідоры на 2-м паверсе бібліятэкі.

Чытайце таксама:

Прэзентацыя выдання “Традыцыйная мастацкая культура беларусаў”

Інфармацыйныя рэсурсы

Паслугі