21 кастрычніка ў бібліятэцы адбылася прэзентацыя выдання "Прыгоды вялікай Кнігі" сусветна вядомага даследчыка манускрыптаў Скота Кэрала.
Апошняе мерапрыемства ў межах выставачнага праекта "Беларусь і Біблія" было арганізавана для VIP-персон – удзельнікаў "Клуба кніжных прафесараў". Ад пытанняў юных кнігазнаўцаў было горача нават сапраўднаму прафесару!
"Прыгоды вялікай Кнігі" – гэта дапаможнік для дзяцей і дарослых па гісторыі кнігі, які ўключае чатыры раздзелы:
“Прыгода 1. Вывучаем старажытны свет”,
“Прыгода 2. Вывучаем сярэднявечны свет”,
“Прыгода 3. Вывучаем друкарскую рэвалюцыю”,
“Прыгода 4. Вывучаем сучасны свет”.
Выданне адкрывае для чытача свет кніг і кнігадруку, распавядае пра развіццё пісьма і бібліятэк. Шматлікія заданні спрыяюць самастойнай працы, росту цікаўнасці і любові да навучання.
Скот Кэрал выказаў глыбокую ўдзячнасць Вользе Жандаравай, перакладчыцы тэксту з англійскай мовы на беларускую, і Антонію Бокуну, адказнаму за выпуск кнігі.
Удзельнікі прэзентацыі “засыпалі” пытаннямі даследчыка Скота Кэрала.
Пасля завяршэння мерапрыемства кожны атрымаў у падарунак кнігу з аўтографам аўтара.