2 сакавіка ў Беларускім дзяржаўным універсітэце культуры і мастацтваў для студэнтаў аддзялення інфармацыйна-дакументных камунікацый факультэта завочнага навучання адбылася прэзентацыя сайта “Беларусь у інфармацыйнай прасторы” віртуальнай чытальнай залы Нацыянальнай бібліятэкі Беларусі.
Вядучы бібліятэкар аддзела карпаратыўнага ўзаемадзеяння НББ Любоў Даніленка пазнаёміла студэнтаў са структурай, кантэнтам і пошукавымі магчымасцямі сайта “Беларусь у інфармацыйнай прасторы” – навігатара па аўтарытэтных беларусазнаўчых электронных інфармацыйных рэсурсах.
На прэзентацыі прысутнічалі навучэнцы з розных рэгіёнаў Беларусі. Іх зацікавілі раздзелы сайта, якія прадстаўляюць спасылкі на інтэрнэт-рэсурсы, прысвечаныя Году малой радзімы, а таксама рэсурсы бібліятэк і музеяў.
Асаблівая ўвага была нададзена раздзелу сайта, які прадстаўляе праект Нацыянальнай бібліятэкі Беларусі “100 дзён да Вялікай Перамогі. Па старонках беларускіх газет 1945 г.”.
Матэрыял прадастаўлены аддзелам карпаратыўнага ўзаемадзеяння.