31 сакавіка ў Нацыянальнай бібліятэцы Беларусі адбылася прэзентацыя сайта Asabliva.by упраўлення спецыяльнай адукацыі Міністэрства адукацыі Рэспублікі Беларусь.
Сайт створаны з мэтай інфармавання шырокіх слаёў насельніцтва Рэспублікі Беларусь, у першую чаргу асоб з асаблівасцямі псіхафізічнага развіцця, аб сферы спецыяльнай адукацыі. Інфармацыйныя матэрыялы сайта адрасаваны спецыялістам, якія працуюць з асаблівымі дзецьмі, бацькам і самім дзецям, якія маюць адмысловыя адукацыйныя запатрабаванні. Сайт Asabliva.by адкрывае доступ да сваіх рэсурсаў асобам, якія маюць асаблівасці псіхафізічнага развіцця, праз спецыяльнае праграмнае забеспячэнне для агучвання інфармацыі, павелічэння тэксту, вылучэння базавай інфармацыі.
Праект ажыццявіўся дзякуючы падтрымцы Швейцарскага офіса па развіцці і супрацоўніцтву ў Беларусі, кампаніі “Астроним”, Галоўнага інфармацыйна-аналітычнага цэнтра Міністэрства адукацыі Рэспублікі Беларусь.
На прэзентацыі сайта з прывітальным словам выступілі намеснік міністра адукацыі Рэспублікі Беларусь Казімір Фарыно, кіраўнік Швейцарскага офіса па развіцці і супрацоўніцтву ў Беларусі Дытрых Дрэер, в.а. дырэктара Нацыянальнай бібліятэкі Беларусі Таццяна Кузьмініч. У мерапрыемстве прынялі ўдзел прадстаўнікі Міністэрства адукацыі Рэспублікі Беларусь і падведамасных арганізацый, аўтары і распрацоўшчыкі сайта Asabliva.by, кіраўнікі і прадстаўнікі грамадскіх аб’яднанняў і дзяржаўных устаноў, якія працуюць з асобамі з асаблівасцямі псіхафізічнага развіцця, супрацоўнікі Нацыянальнай бібліятэкі Беларусі.
 |
 |
 |
 |
