19 мая ў бібліятэцы адбудуцца прэзентацыя рукапіснага аформленага афортамі Евангелля ад Марка і адкрыццё выстаўкі гравюр мастачкі Апалінарыя Мішынай (Санкт-Пецярбург).
Каліграфічная кніга “От Марка Святое Благовествование” змяшчае паралельныя тэксты на царкоўнаславянскай і рускай мовах, напісаныя ад рукі спецыяльна распрацаваным шрыфтам, і ілюстрацыі, выкананыя ў рэдкай і працаёмкай тэхніцы каляровага афорта. Цыкл ілюстрацый ўключае 155 каліграфічных лістоў, ўнутры рукапісу – 104 мініяцюры, ілюмінаваныя сусальным золатам.
Апалінарыя Мішына ажыццявіла ўнікальны праект, які ўяўляе сабой сінтэз традыцыйнага і сучаснага мастацтва. “Як мастаку-каліграфу, мне важна было знайсці дакладны, аўтэнтычны «гук» у адлюстраванні евангельскага тэксту”, – тлумачыць майстар.
Работа атрымала высокую ацэнку Рускай праваслаўнай царквы.
Мастацкі праект цалкам узноўлены паліграфічным спосабам выдавецтвам “Віта Нова” (Санкт-Пецярбург). У Мінску пройдзе адна з першых яго прэзентацый. Экспазіцыі ўнікальных кніг ручной работы з'яўляюцца часткай праекта “АРТ-БУК”, які праводзіцца на працягу некалькіх гадоў галерэяй графікі “Кніжны салон”.
Прэзентацыя пачнецца а 17-й гадзіне ў галерэі “Лабірынт” (3-ці паверх).
Тэлефон для даведак: (8 017) 293 27 56.
Е-mail: pr@nlb.by