ГалоўнаяНавіныНавіны Нацыянальнай бібліятэкі Беларусі
Чытайце пра падзеі лютага на партале бібліятэкі
Віншуем з 70-годдзем Сяргея Іванавіча Чарнова!

Прэзентацыя рэсурсаў ВЧЗ у БДЭУ

Прэзентацыя рэсурсаў ВЧЗ у БДЭУ
Іншыя навіны

11 лютага ў бібліятэцы Беларускага дзяржаўнага эканамічнага ўніверсітэта адбыўся семінар, на якім былі прадстаўлены інфармацыйныя рэсурсы і сэрвісы віртуальнай чытальнай залы Нацыянальнай бібліятэкі Беларусі.

Супрацоўнікі аддзела карпаратыўнага ўзаемадзеяння НББ Вячаслаў Брычкоўскі і Любоў Даніленка пазнаёмілі прысутных з кантэнтам і магчымасцямі выкарыстання сайта “Беларусь у інфармацыйнай прасторы” – навігатара па аўтарытэтных анлайн-рэсурсах, які рознабакова і аб'ектыўна адлюстроўвае жыццё нашай краіны. Асноўная ўвага была ўдзелена сферы эканомікі і бізнесу, рэсурснай базе бібліятэк Беларусі, рэпазіторыям адкрытага доступу ўстаноў вышэйшай адукацыі.

Асаблівую цікавасць у прысутных выклікаў раздзел сайта, які прадстаўляе праект Нацыянальнай бібліятэкі Беларусі “100 дзён да Вялікай Перамогі. Па старонках беларускіх газет 1945 г.”.

Акрамя гэтага, удзельнікі пазнаёміліся з замежнымі базамі даных, даступнымі праз віртуальную чытальную залу Нацыянальнай бібліятэкі Беларусі, а таксама з асноўнымі тэндэнцыямі ў развіцці ініцыятывы адкрытага доступу да навуковых і адукацыйных рэсурсаў.

Адбыўся абмен думкамі аб магчымасцях выкарыстання рэсурсаў і сэрвісаў віртуальнай чытальнай залы Нацыянальнай бібліятэкі Беларусі ў інфармацыйным забеспячэнні навучальнага працэсу і навуковых даследаванняў, у тым ліку ў працы са студэнтамі, магістрантамі і аспірантамі замежных дзяржаў.

Матэрыял прадастаўлены аддзелам карпаратыўнага ўзаемадзеяння.

Навіны

Перасоўная выстава “Лясная песня” адкрылася ў Нацыянальнай акадэмічнай бібліятэцы Рэспублікі Казахстан

22 Чэр 2021

Прэзентацыя інфармацыйна-ілюстрацыйнага праекта “Лясная песня” ў горадзе Нур-Султан была прымеркавана да 80-годдзя пачатку Вялікай Айчыннай вайны.

Навіны Нацыянальнай бібліятэкі Беларусі

23 Чэр 2021

«Тэатр, як вядома, мае звычай зацягваць у сябе людзей, як зачараваны лес». Думаецца, праўдзівасць гэтага радка з рамана «Вялікае падарожжа Малой» пацвердзіць аўтарка Алена Папова. Ведаюць яе не толькі як драматурга, чые п'есы ідуць па ўсім свеце, перамагаюць на прэстыжных міжнародных конкурсах, але і як адметнага празаіка. «Таямнічы код прозы Алены Паповай» – гучала ў загалоўку адной з рэцэнзій.

Навіны бібліятэк

22 Чэр 2021

19 чэрвеня 1924 года нарадзіўся беларускі пісьменнік Васіль Быкаў. Большасць твораў, напісаных аўтарам, – аповесці, дзеянне якіх адбываецца ў час Вялікай Айчыннай вайны. У іх паказаны маральны выбар чалавека ў найбольш драматычныя моманты жыцця. Быкаў на свае вочы бачыў вайну, таму так ярка і эмацыянальна яму ўдавалася перадаць увесь цяжар ваенных гадоў. Прапануем вам пяць кніг народнага пісьменніка Беларусі, якія праславілі беларускую літаратуру на ўвесь свет.

Навіны бібліятэк

Сярэдневяковая мініяцюра, злыя зайцы і маргіналіі: што гэта такое і дзе пра гэта чытаць

21 Чэр 2021

Вы любіце ілюстрацыі. Хто іх не любіць? Малюнкі заўсёды засвойваюцца куды прасцей і хутчэй, чым шматстаронкавыя тэксты, а калі яны яшчэ і для вока прыемныя, задавальненне вырастае ўдвая. Так думалі і людзі ў Сярэдневякоўі, а таму шчодра дадавалі ў свае кнігі каляровыя мініяцюры. Вы пэўна бачылі некалькі такіх – шалёныя зайцы з дзідамі, ціхамірныя людзі ў дзіўных позах, рыцары змагаюцца са слімакамі... Давайце разбяромся, чаму кніжная мініяцюра такая незвычайная.

Аўтарскі погляд

21 Чэр 2021

Кнігі маладой пісьменніцы Ганны Чыж-Літаш — адны з самых запатрабаваных у чытацкай аўдыторыі. Актуальныя праблемы, якія ўзнімае аўтарка, — пошукі сэнсу жыцця, сяброўства, любові, сябе — нікога не пакідаюць абыякавым, таму што кожны так ці інакш штодзённа мусіць іх вырашаць, адказваць на спрадвечныя пытанні ўласнымі ўчынкамі. Паказаныя праз простыя сюжэты і немудрагелістыя дыялогі, апісаныя ў сітуацыях, у якія можа трапіць кожны, — гэтыя праблемы спрыяюць раскрыццю ўнутранага свету сучаснікаў, праз што яны становяцца блізкімі і зразумелымі чытачам любога ўзросту.

Навіны бібліятэк

Заснавальнік фармацэўтычных навук у Беларусі

21 Чэр 2021

21 чэрвеня спаўняецца 280 гадоў з дня нараджэння вядомага французскага вучонага-энцыклапедыста, доктара медыцыны, прафесара Жана Эмануэля Жылібера (1741‒1814), які па праве лічыцца заснавальнікам фармацэўтычных навук у Беларусі. Ён стварыў і некалькі гадоў узначальваў першую вышэйшае медыцынскую ўстанову на тэрыторыі сучаснай Беларусі – Гродзенскую медыцынскую акадэмію.

Па старонках беларускага календара

Аўтару “Флоры Літвы” – 280 гадоў

21 Чэр 2021

21 чэрвеня 1741 г., роўна 280 гадоў таму, нарадзіўся сусветна вядомы французскі вучоны, батанік, лекар і педагог Жан Эмануэль Жылібер. Навуковая дзейнасць знакамітага натураліста была цесна звязана з тэрыторыяй сучаснай Беларусі. Менавіта ён стаў заснавальнікам “Цэнтра медыцынскай адукацыі і медыка-біялагічных навук” у Гродна і аўтарам навуковай кнігі “Флора Літвы”.

Навіны Нацыянальнай бібліятэкі Беларусі

Бібліятэкарам
111