27 мая а 16-й гадзіне ў галерэі “Лабірынт” адбудзецца прэзентацыя манаграфіі Алены Шацько “Колокола и колокольные звоны православных храмов западных регионов Беларуси: история и современность”, прысвечаная 1025-годдзю Хрышчэння Русі.
У выданні адлюстравана гісторыя званоў праваслаўных храмаў Беларусі з XII да пачатку XXI стагоддзя. У кнігу ўвайшлі гістарычныя звесткі пра званароў Беларусі, расказы пра практычнае навучанне званарскай справе, прыклады нясення званарскага послуху ў гады абмежавання царкоўнага звону.
У дадатках да кнігі публікуюцца архіўныя дакументы пра звонавыя наборы беларускіх цэркваў да 1915 г., каляровыя фатаграфіі званоў і сельскіх званароў, зробленыя аўтарам у экспедыцыях, натацыі звонаў.
Да выдання дадаецца дыск, на якім запісаны традыцыйныя звоны, каментарыі прыхаджан, а таксама дакументальны фільм “Звон і званары”, створаны Інфармацыйным агенцтвам Беларускай праваслаўнай царквы.
Уваход на мерапрыемства – цэнтральны.
Тэлефон для даведак: (8 017) 293 27 56.
Е-mail: pr@nlb.by