19 верасня ў бібліятэцы адбудзецца прэзентацыя кнігі доктара гістарычных навук Лайлы Ахметавай “1941. Брестская крепость Казахстан”.
Кніга выдадзена пры фінансавай падтрымцы Фонду першага прэзідэнта Рэспублікі Казахстан Нурсултана Назарбаева ў гонар 75-годдзя з дня пачатку Вялікай Айчыннай вайны і абароны Брэсцкай крэпасці.
Аўтар выдання “1941. Брестская крепость. Казахстан” апісала падзеі перадваенных гадоў і 1941 года ў Брэсцкай крэпасці, а таксама ўдзел у іх казахскіх салдат. Тут можна прачытаць імёны абаронцаў Брэсцкай крэпасці з Казахстана, якія дагэтуль лічыліся зніклымі без весткі, іх гераічныя гісторыі, месцы гібелі і пахавання. Усё гэта сабрана і запісана на аснове архіўных дакументаў і ўспамінаў тых, хто застаўся ў жывых.
Асобную ўвагу аўтар акцэнтуе на карпатлівай працы пошукаўцаў у архівах, музеях і бібліятэках Казахстана, Беларусі, Расіі, Польшчы, Германіі.
Прэзентацыя пачнецца а 17-й гадзіне ў галерэі “Лабірынт” (3-ці паверх).
Тэлефоны для даведак: (8 017) 266 37 70, 293 27 65.
Е-mail: pr@nlb.by
