5 лістапада ў бібліятэцы прайшла прэзентацыя кнігі С.А. Шавеля “Перспективы развития социума”.
Кніга выйшла ў 2015 годзе ў выдавецтве “Беларуская навука” і прызначана для навуковых работнікаў і выкладчыкаў ВНУ, аспірантаў і студэнтаў. Яна таксама будзе цікавай для шырокіх колаў грамадскасці, якія цікавяцца праблемамі перспектыў развіцця беларускага грамадства.
Сяргей Аляксандравіч Шавель у сваім выданні раскрывае метадалагічныя аспекты сацыялагічнага вывучэння соцыума, звяртаецца да аналізу сацыяльных спадзяванняў, каштоўнасцей, запатрабаванняў, матываў дзейнасці чалавека. З’яўляецца цікавым даследаванне ўспрымання людзьмі сусветнага эканамічнага крызісу і ацэнкі стратэгічных падыходаў да пераадолення яго наступстваў. Аўтар звяртаецца да канцэптуалізацыі паняцця “сацыяльная сфера”, абгрунтоўвае сферны падыход у сацыялагічнай тэорыі, аналізуе перспектывы Саюзнай дзяржавы Беларусі і Расіі, дынаміку грамадскай думкі аб развіцці ў Беларусі ядзернай энергетыкі.
С.А. Шавель – беларускі сацыёлаг і філосаф, доктар сацыялагічных навук, кандыдат філасофскіх навук. Аўтар звыш 180 навуковых работ, у тым ліку 8 манаграфій.
Мерапрыемства арганізавана Нацыянальнай бібліятэкай Беларусі сумесна з Аналітычным цэнтрам EcooМ.