29 студзеня а 16-й гадзіне ў галерэі "Лабірынт" (3-ці паверх) адбудзецца прэзентацыя кнігі “Францыск Скарына на мовах народаў свету” Выдавецкага дома “Звязда”.
У выданні ўпершыню прадстаўлены пераклады прадмовы Францыска Скарыны да кнігі “Юдзіф” на 64 мовы народаў свету: рускую, англійскую, балгарскую, італьянскую, кітайскую, польскую, французскую, японскую і іншыя.
Вылучаецца кніга “Францыск Скарына на мовах народаў свету” і багатым ілюстрацыйным матэрыялам. Старонкі выдання ўпрыгожаны гравюрамі Францыска Скарыны, а напрыканцы кнігі – выявы тытульных лістоў скарынаўскіх выданняў.
Да 525-годдзя з дня нараджэння першадрукара Нацыянальная бібліятэка Беларусі падрыхтавала юбілейную кніжную выстаўку “Палачанін”. Пазнаёміцца з ёй можна ў кальцавым калідоры бібліятэкі (3-ці паверх).
Тэлефон для даведак: (8 017) 293 27 56, 293 29 80.
Е-mail: pr@nlb.by
