25 лютага а 17-й гадзіне ў галерэі «Ракурс» адбудзецца прэзентацыя новай кнігі беларускага паэта Андрэя Скарынкіна «Черный аист», якая ўбачыла свет у выдавецкай серыі “Бібліятэка Саюза пісьменнікаў Беларусі”.
Аўтар 16 паэтычных кніг, член Саюза пісьменнікаў Саюзнай дзяржавы, намеснік старшыні секцыі паэзіі Саюза пісьменнікаў Беларусі, член-карэспандэнт Кірыла-Мяфодзіеўскай акадэміі славянскагай асветы, першы стыпендыянт спецыяльнага фонда Прэзідэнта Рэспублікі Беларусь па падтрымцы таленавітай моладзі Андрэй Уладзіміравіч Скарынкін (нар. 20 снежня 1962 г. у Мінску) прадставіць сваю новую кнігу, у якую ўвайшлі лепшыя творы, напісаныя аўтарам на працягу трыццаці гадоў паэтычнага жыцця. Кніга ўжо займела станоўчыя водгукі аўтарытэтных літаратурных крытыкаў.
Андрэй Скарынкін – аўтар вершаванага рамана “Соврасиана”, навэлы ў вершах “Полет над блудницей”, збора твораў XX ст.”Альфа и омега”, дзвюх аўдыёкніг “Скорбный гость” і “Звезда над Россией”, кнігі выбраных твораў “Король Парнаса”, зборніка рамансаў “Плач журавлей”, кнігі для дзяцей “Родничок”, зборніка вершаў “Красная книга” і інш.
На словы паэта кампазітарамі напісана шмат музычных твораў, якія выконваюцца на канцэртах і ў праграмах самага высокага ўзроўню. Гуказапісваючымі кампаніямі выпушчаны тры альбомы з музычнымі творамі на словы паэта.
