25 лістапада а 16-й гадзіне ў галерэі “Ракурс” адбудзецца прэзентацыя навукова-даследчага праекта “Карлаг: памяць у імя будучыні”.
Прэзентацыя праекта арганізавана вучонымі карагандзінскага ўніверсітэта “Балашак” (Казахстан) у рамках дагавору аб намерах творчага і навуковага супрацоўніцтва з Нацыянальнай бібліятэкай Беларусі.
З мэтай зрабіць свой уклад у навуковае асэнсаванне гісторыі Карлага карагандзінскія вучоныя правялі аналіз мноства дакументаў, вывучылі вялікі аб’ём архіўных матэрыялаў, правялі сустрэчы з былымі палітвязнямі, ваеннапалоннымі. Дакументы, звязаныя з Карлагам, доўгія гады праляжалі ў архівах пад грыфам “Зусім сакрэтна”. Паступова, вельмі выбарачна, пачалі прыадкрывацца архіўныя фонды, і сведкі страшных падзей прадставілі свае ўспаміны на суд шырокай грамадскасці.
Зварот да ўспамінаў былых вязняў найбуйнейшага канцэнтрацыйнага лагера Савецкага Саюза мае важнае значэнне ў вывучэнні гісторыі.
Тэлефоны для даведак: (8 017) 293 27 56, 293 29 80.
Е-mail: pr@nlb.by