11 лютага ў рамках XVIII Мінскай міжнароднай кніжнай выстаўкі-кірмашу на стэндзе Нацыянальнай бібліятэкі Беларусі адбылася прэзентацыя інвестыцыйных праектаў у галіне захавання і папулярызацыі нацыянальнай кніжнай спадчыны.
Нацыянальная бібліятэка Беларусі як буйнейшая навуковая бібліятэка рэспублікі сумесна з Белінвестбанкам прадставіла адзін з апошніх праектаў – серыю календароў, якія раскрываюць багацце і разнастайнасць кніжнай спадчыны Беларусі. У выдадзенай серыі праз даўнюю беларускую кнігу ярка і шматгранна паказаны вобраз нашай краіны – дзяржавы, нацэленай на найноўшыя тэхнічныя і навуковыя дасягненні (што відаць у спадчыне першадрукароў Ф. Скарыны, І. Фёдарава, П. Мсціслаўца і інш.), з высокім узроўнем адукацыі (беларускія навуковыя і асветніцкія выданні), прававой (вядомыя на ўсю Еўропу помнікі права) і верацярпімай (адны з самых прыгожых выданняў розных канфесій).
З прывітальным словам на прэзентацыі выступілі старшыня Нацыянальнай камісіі Рэспублікі Беларусь па справах ЮНЕСКА Уладзімір Шчасны, намеснік старшыні Праўлення ААТ “Белінвестбанк” Уладзімір Тамашэвіч, выканаўчы дырэктар Выдавецтва Беларускага экзархата Уладзімір Грозаў, намеснік дырэктара Нацыянальнай бібліятэкі Беларусі па навуковай рабоце і выдавецкай дзейнасці Людміла Кірухіна, вучоны сакратар Нацыянальнай бібліятэкі Беларусі Аляксандр Суша.
Падрыхтоўка і выпуск серыі календароў стане асновай для шматгадовага плённага супрацоўніцтва ўстаноў культуры і банкаўскіх структур нашай рэспублікі па захаванні і папулярызацыі нацыянальнай культурнай спадчыны.
 |
 |
 |
||||||
 |
 |
 |
