10 лютага ў рамках XVІІІ Мінскай міжнароднай кніжнай выстаўкі-кірмашу на галоўным стэндзе выставачнага цэнтра БелЭКСПА адбылася прэзентацыя інфармацыйных рэсурсаў і паслуг Нацыянальнай бібліятэкі Беларусі.
У ходзе правядзення прэзентацыі ўдзельнікі, наведвальнікі і госці кніжнай выстаўкі змаглі азнаёміцца з шэрагам праектаў Нацыянальнай бібліятэкі па арганізацыі віртуальных сервісаў, стварэнні бібліяграфічных, фактаграфічных і іншых баз даных, лічбавых калекцый: віртуальнай чытальнай залай, базамі даных “Беларусь у асобах і падзеях” і “Электронны архіў нацыянальнай перыёдыкі”, а таксама са спецыяльным тыфлаабсталяваннем, якое дае сляпым і слабавідушчым карыстальнікам роўныя з відушчымі магчымасці доступу да інфармацыі.
 |
 |
 |
 |
