10 мая ў Смаленску (Расія) адбылася прэзентацыя факсімільнага выдання “Слуцкое Евангелие”, падрыхтаванага Нацыянальнай бібліятэкай Беларусі, Нацыянальнай акадэміяй навук Беларусі і Выдавецтвам Беларускага экзархата, і 45-томнага выдання “Смоленская земля в памятниках русской словесности”.
У мерапрыемстве, якое прайшло на базе дзяржаўнай бюджэтнай установы культуры “Смаленская абласная ўніверсальная бібліятэка імя А.Т. Твардоўскага”, прынялі ўдзел прадстаўнікі дыпламатычнай місіі Рэспублікі Беларусь у Расійскай Федэрацыі, выдавецтваў і бібліятэчнай супольнасці Беларусі і Расіі, а таксама чытачы бібліятэкі.
Удзельнікамі прэзентацыі быў адзначаны высокі ўзровень падрыхтоўкі 45-томнага збору сачыненняў “Смоленская земля в памятниках русской словесности” і факсімільнага выдання “Слуцкое Евангелие”, актуальнасць рэалізацыі падобных праектаў для даследчай і практычнай бібліятэчна-бібліяграфічнай дзейнасці ў частцы ўзнаўлення нацыянальных помнікаў пісьменнасці, падрыхтоўкі выданняў краіназнаўчага і краязнаўчага характару.
Адбыўся акт перадачы выдання “Смоленская земля в памятниках русской словесности” (т. 1-45, выдавецтва “Маджента”, Смаленск) у дар Нацыянальнай бібліятэцы Беларусі, Прэзідэнцкай бібліятэцы Рэспублікі Беларусь і Выдавецтву Беларускага экзархата.
