ГалоўнаяНавіныНавіны Нацыянальнай бібліятэкі Беларусі
Адкрыццё рэспубліканскага мультыпраекта “Бібліятэка”
Кнігі для ракетнай брыгады

Прэзентацыя факсімільнага выдання віленскага “Буквара”

Прэзентацыя факсімільнага выдання віленскага “Буквара”
Іншыя навіны

30 жніўня а 15-й гадзіне пройдзе прэзентацыя ўнікальнага факсімільнага выдання самага ранняга беларускага буквара з усіх, якія захаваліся ў нашай краіне, – віленскага “Буквара” 1767 года.


Прэзентацыя ладзіцца ў рамках Года кнігі і прымеркавана да Дня ведаў. Пад час мерапрыемства пройдзе цырымонія перадачы факсімільнага выдання ў бібліятэкі краіны.

Узноўлены “Буквар” – унікальны помнік асветніцкай думкі і духоўнай культуры нашага народа (у свеце захавалася толькі 2 асобнікі гэтага выдання). Ён уключае не толькі сукупнасць вучэбных матэрыялаў для навучання дзяцей грамаце, але таксама цэлы комплекс тэкстаў дыдактычнага характару: настаўленні, малітвы, павучанні, гімны і інш.

Факсімільнае выданне “Буквара” падрыхтавана з захаваннем усіх асаблівасцей арыгінала (фону паперы, дэфектаў, уладальніцкіх пазнак на кнізе). Кніжны помнік выдадзены ў камплекце з гісторыка-культурным нарысам, які раскрывае значэнне “Буквара” ў гісторыі кніжнай культуры Беларусі, і перакладам яго тэксту на сучасную рускую мову.

Выпуск факсімільнага выдання “Буквара” з’яўляецца выдатным прыкладам дзяржаўна-прыватнага партнёрства, паколькі ён стаў вынікам працяглай сумеснай працы Нацыянальнай бібліятэкі Беларусі і Прадстаўніцтва кампаніі XEROX у Рэспубліцы Беларусь. Мэта праекта – папулярызацыя нацыянальнай спадчыны і падтрымка вобразу Беларусі як дзяржавы са шматвяковымі традыцыямі ў галіне навукі і асветы.

Прэзентацыя адбудзецца ў зале адукацыйных тэхналогій Нацыянальнай бібліятэкі Беларусі.

Кантактны тэлефон: (8 017) 293 27 67.

Навіны

Раман Матульскі: “У сучасным свеце няма ведаў канстанты”

10 Сне 2019

6 снежня адбылася сустрэча фіналістаў конкурсу “Студэнт года” з дырэктарам Нацыянальнай бібліятэкі Беларусі, старшынёй грамадска-кансультатыўнага савета па пытаннях адукацыі пры Міністэрстве адукацыі Рэспублікі Беларусь, прафесарам, доктарам педагагічных навук Раманам Матульскім.

Аўтарскі погляд

Кнігі з асабістай калекцыі Прэзідэнта Рэспублікі Беларусь Аляксандра Лукашэнкі перададзены ў фонды Нацыянальнай бібліятэкі Беларусі

9 Сне 2019

Гэта 76 сучасных выданняў, прысвечаных гісторыі, культуры, адукацыі, навуцы і спорту краін – суседзяў, партнёраў нашай краіны на міжнароднай арэне.

Навіны Нацыянальнай бібліятэкі Беларусі

Тэставы доступ да калекцыі Duke University Press

9 Сне 2019

Карыстальнікам Нацыянальнай бібліятэкі і яе партнёрам па віртуальнай чытальнай зале прадастаўлена магчымасць тэставага доступу да электроннай калекцыі навуковых часопісаў па літаратуры, культуралогіі, сацыялогіі, палітыцы, гісторыі і кніжнай калекцыі выдавецтва Duke University Press, у якую ўваходзяць больш за 2,5 тыс. найменняў перыядычных выданняў.

Навіны Нацыянальнай бібліятэкі Беларусі

Шлях даўжынёй у эпоху

10 Сне 2019

Гэтаму чалавеку давялося надоўга перажыць большасць са свайго пакалення, што загiнула ў крывавых вiрах эпохi. У юнацтве ён быў адным з сяброў легендарнага лiтаратурнага аб’яднання “Маладняк”, а памёр ужо ў незалежнай Беларусi. Звалi яго Аляксандр Каратай. Але ў гiсторыi лiтаратуры ён застаўся як Максiм Лужанiн, паэт, пiсьменнiк, сцэнарыст, перакладчык, якi нарадзiўся 110 гадоў таму ў вёсцы Прусы Слуцкага павета.

Навіны бібліятэк

Нарачанскi чараўнiк

10 Сне 2019

«А вось Мiхась Лынькоў, высокi, спакойны, бадай што вечна з папяросаю ў руках. Ён гаворыць мала, больш слухае другiх, бо таксама нетутэйшы, з Бабруйска. За плячыма ў яго, мабыць, ужо добры стаж нейкай немалой работы, бо выглядае ён стала, спрактыкавана, дый шынель, што сядзiць на iм вельмi ж па-цывiльнаму, проста як знак бiяграфii, дадае гэтай сталасцi».

Навіны бібліятэк

Кітабы – унікальныя помнікі рукапіснай кніжнасці

9 Сне 2019

4 снежня адбыліся чарговыя заняткі ў межах семінара-практыкуму “Кітабы – унікальныя помнікі рукапіснай кніжнасці”. Сустрэча была прысвечаная гісторыі вывучэння кітабаў. Кітабамі называюць рукапісныя кнігі, якія ствараліся на працягу стагоддзяў прадстаўнікамі адной з этнаканфесійных груп Беларусі – беларускімі татарамі.

Навіны Нацыянальнай бібліятэкі Беларусі

111