18 лістапада ў Гродзенскай абласной навуковай бібліятэцы імя Я.Ф. Карскага (Гродна) і Гомельскай абласной універсальнай бібліятэцы імя У.І. Леніна (Гомель) адбудзецца прэзентацыя першых пяці кніг факсімільнага выдання “Кніжная спадчына Францыска Скарыны”.
Праект па факсімільным узнаўленні поўнага збору кніг Ф. Скарыны, прымеркаваны да 500-годдзя беларускага кнігадрукавання, ажыццяўляецца Нацыянальнай бібліятэкай Беларусі і банкам “БелЗЭБ”.
Пад час прэзентацыі адбудзецца ўрачыстая цырымонія перадачы факсіміле ў дар установам культуры і адукацыі Гродзенскай і Гомельскай абласцей.
