9 лютага ў бібліятэцы адбылася прэзентацыя электронных інфармацыйных рэсурсаў, прапанаваных для навуковай і адукацыйнай прасторы Беларусі.
Мерапрыемства было арганізавана ў рамках работы XXIV Мінскага міжнароднага кніжнага кірмашу. Свае рэсурсы прадставілі вытворцы электронных інфармацыйных прадуктаў – удзельнікі кніжнага кірмашу.
Семінар адкрыла начальнік інфармацыйнага цэнтра Нацыянальнай бібліятэкі Беларусі Ала Анатольеўна Шарамецьева.
Падчас семінара адбылося выступленне кіраўніка аддзела продажаў электронных выданняў ТАА “БИНОМ. Лаборатория знаний” Ірыны Міхайлаўны Макарынай, якая пазнаёміла ўдзельнікаў з электроннымі рэсурсамі выдавецтва.
Выканаўчы дырэктар ТАА “Айбукс” Васіль Аляксандравіч Пархачоў прадставіў гасцям семінара прэзентацыю электроннай бібліятэкі “Айбукс” і магчымасцей яе выкарыстання для інфармацыйнага забеспячэння вышэйшай школы.
У семінары прынялі ўдзел кіраўнікі і спецыялісты бібліятэк і інфармацыйных цэнтраў Беларусі, карыстальнікі электронных інфармацыйных рэсурсаў.