ГалоўнаяНавіныНавіны Нацыянальнай бібліятэкі Беларусі
Беларуска-літоўскія мерапрыемствы да юбілею Скарыны
Прэзентацыя кнігі

Прэзентацыя часопіса “Артэфакт”

Прэзентацыя часопіса “Артэфакт”
Іншыя навіны

3 снежня ў бібліятэцы адбылася прэзентацыя навукова-метадычнага часопіса “Артэфакт” і кнігі В.А. Салеева “Нарысы тэорыі беларускага тэатра”.


Аўтар кнігі і галоўны рэдактар часопіса “Артэфакт” Вадзім Аляксеевіч Салееў – доктар філасофскіх навук, прафесар, заслужаны дзеяч культуры Рэспублікі Беларусь, культуролаг, мастацкі крытык, аўтар 6 манаграфій і больш за 300 навуковых публікацый па праблемах славянскай і беларускай культур, эстэтыкі, філасофскай адукацыі, тэорыі мастацтва, мастацкай крытыкі, эстэтычнага і мастацкага выхавання.

Усім вядома, што мастацкая культура з’яўляецца надзвычай складанай часткай нацыянальнай культуры: і ў сферы стварэння мастацкіх твораў, і ў сферы іх успрымання, і ў сферы ацэнкі іх мастацкіх каштоўнасцяў. Мастацкая культура мае свае асаблівасці, тонкасці, якія часам не паддаюцца строга рацыянальнаму аналізу, але такі аналіз неабходны, без яго ставіцца пад пагрозу само існаванне мастацкай культуры і быццё мастацкага працэсу. Менавіта якасць крытыкі і мастацтвазнаўчых даследаванняў вызначае вектары развіцця нацыянальнай мастацкай культуры, выяўляе яе моцныя бакі і слабасці.

У навукова-метадычным часопісе “Артэфакт”, першы нумар якога пабачыў свет у 2014 годзе, публікуюцца не толькі навуковыя артыкулы. Пачэснае месца ў выданні займае мастацкая крытыка ў розных яе праявах – ад публіцыстыкі і эсэістыкі да абгрунтаваных рэцэнзій на значныя падзеі ў айчыннай і замежнай мастацкай культуры.

Часопіс “Артэфакт” – гэта творчая пляцоўка для свабоднага дыялогу спецыялістаў аб актуальных праблемах эстэтыкі, мастацтвазнаўства, тэндэнцыях развіцця мастацтва ў краіне і бліжэйшым замежжы.

У кнізе “Нарысы тэорыі беларускага тэатра” аўтар падрабязна і сістэмна аналізуе тэарэтычныя аспекты існавання ў гістарычнай прасторы беларускай нацыянальнай культуры тэатральнага мастацтва, разглядае праблемы тэатральных традыцый, развіццё рэжысёрскай думкі, асаблівасці беларускай акцёрскай школы і іншыя аспекты сучаснага тэатральнага працэсу.

Манаграфія і часопіс адрасаваны вучоным, аспірантам, прадстаўнікам мастацкай грамадскасці і ўсім, хто мае цікавасць да праблем і з’яў як айчыннай, так і замежнай культуры.

   

Навіны

Сустрэча з Адамам Бабарэкам

18 Кас 2019

17 кастрычніка, у музеі гісторыі беларускай літаратуры ў рамках праекта “На хвалі часу, у плыні жыцця” адбылася лекцыя Ганны Севярынец “Крытык і сусвет. Адам Бабарэка, літаратура і літаратары”.

Навіны бібліятэк

Самота, атлусценне і сяброўства. Пра што пішуць лаўрэаты Еўрапейскай прэміі па літаратуры

20 Кас 2019

Роўна 10 гадоў таму Еўрапейскі саюз вырашыў заснаваць уласную прэмію па літаратуры з тым, каб папулярызаваць на міжнародным узроўні не надта вядомых, але таленавітых аўтараў з розных краін Еўропы. Таму намінантам можа стаць аўтар, які мае не менш за дзве, але не больш за чатыры выдадзеныя арыгінальныя кнігі.

Навіны бібліятэк

Маўчанне сфiнкса

18 Кас 2019

Дэбютны зборнiк гэтай дваццацiгадовай паэткi ўкладаў самы вядомы беларускi паэт, афармляў самы вядомы мастак, фiнансавала легендарная княгiня-мецэнатка… I быў надрукаваны ў гэтым зборнiку верш, якi стаў народнай песняй.

Навіны бібліятэк

Шляхам, што вядзе да мары

18 Кас 2019

11–12 кастрычніка прыхільнікі творчасці Эльчына Сафарлі сустрэліся з любімым аўтарам у беларускай сталіцы. У Мінск ён прыехаў прадставіць новы раман “Дом, в котором горит свет”, выдадзены ў гэтым годзе ў АСТ.

Аўтарскі погляд

111